Joba Sıngapýr Ǵylym ortalyǵy jáne mýzeılik sheshimder ázirleý salasynda tájirıbesi mol Kingsmen Exhibit PTE LTD kompanııasymen birlesip iske asady.
Sıngapýr Ulttyq ǵylym akademııasynyń prezıdenti, Sıngapýr Ǵylym ortalyǵynyń bas dırektory, doktor Tıt Meng Lımmen ótken jumys kezdesýi barysynda mýzeıdi basqarý modelin beıimdeý jáne osy salada bilikti mamandar daıarlaý jaıy qozǵaldy. Doktor Lım joba komandasyn oqytý men ozyq ádistemelerdi engizý turǵysynan jan-jaqty qoldaý kórsetýge ázir ekenin bildirdi.
Jobada ınklıýzıvtilik máselesine aıryqsha mán berilgen. Erekshe bilim berý qajettiligi bar balalarǵa jaıly jaǵdaı jasalady. Atap aıtqanda, aýtızmmen aýyratyn balalar úshin arnaıy bólme jabdyqtalady.
«Bul jaı mýzeı ǵana emes, balalardyń ǵylymmen erkin tildese alatyn, tanymdyq qyzyǵýshylyǵyn oıatyp, zertteýshilik qabiletin arttyratyn keńistik bolmaq. Mýzeı ulttyń zııatkerlik bolashaǵyn qalyptastyrý jolyndaǵy mańyzdy qadam» dep atap ótken Darhan Satybaldy qurylystyń sapaly ári merziminde oryndalýyn tapsyryp, Balalar ǵylymı mýzeıin qalanyń mektepke deıingi jáne bastaýysh bilim berý júıesimen úılesstirýdiń mańyzdy ekenine toqtaldy. Mýzeı keler jyly paıdalanýǵa berilmek.
Elimizdegi alǵashqy ınteraktıvti keńistik balalardyń ǵylym, tehnologııa, ınjenerııa jáne matematıka salalaryna (STEM) degen qyzyǵýshylyǵyn erte jastan damytýǵa baǵyttalǵan.
Qazir tehnıkalyq saraptamanyń qorytyndysyna saı qurylymdardy kúsheıtý jumystary bastaldy. Qurylys barysyn Almaty qalasy ákimdiginiń salalyq basqarmalary men bilim berý, sondaı-aq ESG-ıntegrasııa salalaryndaǵy halyqaralyq sarapshylar birlese qadaǵalap otyr.
ALMATY
