PAVLODAR. 15 aqpan. S.Toraıǵyrov atyndaǵy Pavlodar memlekettik ýnıversıtetinde «Áleýmettik jelilerdegi dinı ekstremızmdi boldyrtpaý joldary» atty dáris oqyldy. Bul týraly egemen.kz tilshisi habarlady.
Ýnıversıtettiń Etnosaralyq úderisterdi zertteý aımaqtyq ǵylymı-tájirıbelik ortalyǵynyń basshysy Nurjamal Tyshqanova, stýdentter kásipodaq uıymynyń tóraǵasy Tilek Másálim stýdentterge dáris oqydy. Dinı ekstremızm máseleleri jóninde pikir almasyp, pikir saıysqa túsken stýdentter, magıstranttar belsendilik tanytty.
Stýdentter Ashat Tileýlen, Dosymhan Dosymovtar osy taqyrypta jasaǵan baıandamalaryn oqyp berdi. Stýdentterge ekstremıstik dinı aǵymdardyń ǵalamtor-keńistigindegi paraqshalaryn ajyrata bilýdiń joldaryn kórsetti. Arnaıy keńester beretin saıttar usynyldy. Bıznes jáne quqyq fakýltetiniń dekany Tahır Ernazarovtyń aıtýynsha, elimizde ótken jyly dinı ekstremızm men terrorızmdi nasıhattaǵany úshin 50-ge tarta saıt óz jumysyn toqtatqan. «Bilim +» jobasy aıasynda ýnıversıtet portalynda «rukhanialem.psu.kz» saıty ashyldy. Bul saıtta dintaný jáne mádenıettaný baǵyttarynda keńes alýǵa bolady. Joba aıasynda senim telefony jumys jasaıdy. Shalynǵan qońyraýlar qupııa saqtalady. Nurjamal Tyshqanovanyń aıtýynsha, jalpy, ýnıversıtet fakýltetterinde mundaı dárister oqýdyń maqsaty – stýdentterdiń ózge jolǵa túsip ketpeýlerine jol bermeý.
Sonymen qatar, Qazaqstan musylmandary dinı basqarmasynyń muftyat.kz saıtynyń jumysy aımaqtyq qurylymdarda jaqsy nátıjesin berýde.
Aıdar О́risbaev.
Derek, sýret: egemen.kz.
