Bul qujat – azamattyq avıasııa salasyndaǵy ózara baılanystardy júıeli túrde damytýǵa baǵyttalǵan naqty qadam. Eki el arasyndaǵy jańa kelisim ICAO – Halyqaralyq azamattyq avıasııa uıymynyń standarttary men tájirıbelerin engizýge, saladaǵy jahandyq úrdisterge ortaq ún qosýǵa jol ashady.
Kelisimge sáıkes, taraptar ushý qaýipsizdigin qamtamasyz etý, áýe qozǵalysy men keńistigin tıimdi basqarý, qorshaǵan ortany qorǵaý, sonyń ishinde ekologııalyq taza avıaotyn túrlerin engizý baǵyttarynda birlesip jumys isteýge ýaǵdalasty. Sonymen qatar áýejaı ınfraqurylymyn jetildirý, ekonomıkalyq retteý tetikterin damytý, zańnamalyq tájirıbe almasý men kadrlardy kásibı daıarlaý – basty nazarda.
Mańyzdysy – qujat tek nıet pen mindettemeler jıyntyǵy emes. Eki el mamandary naqty jobalar aıasynda aqparat jáne tájirıbe almasyp, oqytý baǵdarlamalaryn birlese ázirleıdi, birlesken semınarlar men konferensııalar uıymdastyrady. Sondaı-aq azamattyq avıasııa salasyndaǵy kásibı kadrlarmen almasý da josparlanyp otyr.
Bul kelisim – tek tehnıkalyq seriktestik emes, sonymen qatar senimdi áriptestikke negizdelgen, bolashaqqa baǵyttalǵan strategııalyq dıalog. Al avıasııa – el men eldi, mádenıet pen naryqty jaqyndastyratyn altyn kópir.
