Foto: Sý resýrstary jáne ırrıgasııa mınıstrligi
Sý resýrstary jáne ırrıgasııa mınıstrliginiń baspasóz qyzmetiniń málimdeýinshe qazirgi ýaqytta quqyq qorǵaý organdarymen birlesip, buzýshylyqqa jol bergen tulǵalardy anyqtaý jáne olardy ákimshilik jaýapkershilikke tartý jumystary júrgizilip jatyr. Buǵan deıin Qyzylorda oblysynda alty sharýa qojalyǵynyń 2,3 mln tekshe metrden astam sýdy zańsyz paıdalanǵany belgili bolǵan edi.
Sondaı-aq Aral-Syrdarııa basseındik ınspeksııasy mamandary Shardara aýdandyq prokýratýrasymen birlesip, Túrkistan oblysynda 24 tirkelmegen sorǵy qondyrǵysyn anyqtady. Al Jaıyq-Kaspıı basseındik ınspeksııasy Aqtóbe oblysynda 5 kásiporynnyń sýdy zańsyz paıdalanǵany jóninde derek tirkedi.
«Sýdyń «kóleńkeli naryǵyna» qarsy jumystar jalǵasady. Zań buzǵandar mindetti túrde anyqtalyp, jaýapqa tartylady. Budan bólek, el boıynsha basseındik ınspeksııa mamandary sharýalarmen jáne basqa da sý paıdalanýshylarǵa sýdy zańsyz tartyp alýǵa jol bermeý týraly túsindirý jumystaryn júrgizip jatyr», dedi Sý resýrstary jáne ırrıgasııa birinshi vıse-mınıstri Nurlan Aldamjarov.
