ASTANA. 15 aqpan. Qyzylorda oblysy Qazaly aýdany Janqoja batyr aýylynda Keńes áskeriniń Aýǵanstannan shyǵarylǵanyna 26 jyl tolýyna oraı jaýynger-ınternasıonalıst Nurjan Ázıev atyndaǵy júlde úshin pnevmatıkalyq myltyq atýdan oqýshylar arasynda aýdandyq týrnır ótkizildi. Bul týraly egemen.kz tilshisi habarlady.
Jas urpaqty otansúıgishtikke, eljandylyqqa tárbıeleý, pnevmatıkalyq myltyqtan oq atý ádisin damytý, sheberlikterin shyńdaý, aýdan qurama komandasyn jasaqtaý jáne salamatty ómir saltyn qalyptastyrý maqsatynda bıyl ekinshi jyl ótkizilip otyrǵan týrnırge qatysýshylar pnevmatıkalyq myltyqtan atý jáne bólimshe komandırleriniń saıysy, ıaǵnı AK-74 qarýyn tolyq emes bólshekteý jáne jınaqtaý boıynsha saıysqa tústi.
Jarys qorytyndysynda júldeli oryn ıemdengen komandalar men jekelegen oqýshylar aýdandyq bilim bóliminiń, Qazaly aýdandyq «Otan» qoǵamdyq birlestik keńesiniń maqtaý qaǵazdary men baǵaly syılyqtarymen jáne Azıevter otbasynyń arnaıy júldelerimen marapattaldy. Pnevmatıkalyq myltyq atýdan júldeli I oryndy №170 mektep komandasy, II oryndy №234 mektep komandasy, III oryndy №165 mektep komandasy ıemdendi. Bólimshe komandırleriniń saıysynda №226 gımnazııa oqýshysy Aıbek Turǵanbaı I oryn, №98 mektep oqýshysy Mnajat Seıtenov II oryn, №234 mektep oqýshysy Jaqsylyq Jolmyrza III oryn aldy.
Al týrnırdiń «Mergen» baǵamymen №170 mektep oqýshysy Sultan Shymbergen, №165 mektep oqýshysy Nursultan Toqbosyn, №234 mektep oqýshysy Jomart Jaqsylyq marapattaldy.
Joldybaı Bazar.
Derek, sýret: egemen.kz.
