«Sońǵy jyldary elimizde barlyq salada aýqymdy reformalar jasalyp jatyr. Memlekettiń saıası júıesi men ekonomıkalyq qurylymy túbegeıli jańǵyrýda. El ishinde joǵary quqyqtyq mádenıet qalyptasyp keledi. Azamattyq jaýapkershilik ıdeologııasy berik ornyǵa bastady. Bul – bizdiń strategııalyq baǵdarymyzǵa tán asa mańyzdy basymdyq», dedi Prezıdent.
Memleket basshysynyń aıtýynsha, elimiz quqyq qorǵaý júıesin jetildirýge jáne barlyq salada zań men tártip ornatýǵa basa mán beredi. Osy baǵytta naqty nátıjege qol jetkizdik.
«2019 jyldan beri qylmystyq quqyqbuzýshylyq sany shamamen eki ese azaıdy. Sonyń ishinde qaraqshylyq, tonaý, urlyq pen buzaqylyq deńgeıi 4 ese tómendedi, al kisi óltirýge qatysty qylmystar 30 paıyzǵa kemidi. Qoǵamdyq oryndardaǵy qylmys sany 80 paıyzǵa azaıdy. Bul – azamattarymyz kóshede eshteńeden qaýiptenbeı, alańsyz júre alady degen sóz», dedi Memleket basshysy.
