Taraptar halyqaralyq qarjy uıymynyń Qazaqstannyń sý sharýashylyǵy ınfraqurylymyn salý jáne rekonstrýksııalaý jobalaryna qatysý múmkindigin qarastyrdy.
Qazirgi tańda Sý resýrstary jáne ırrıgasııa mınıstrligi ADB-ǵa ázirlenip jatqan jobalar tizimin usyndy. Kelesi aıda halyqaralyq qarjy uıymynyń sarapshylary bul jobalardy jan-jaqty talqylaý úshin Qazaqstanǵa keledi.
Sondaı-aq mınıstr ADB óńirlik basshylyǵymen «Muzdyqtardan fermalarǵa» halyqaralyq baǵdarlamasy sheńberinde muzdyqtardy saqtaý jáne olardyń erýine turaqtylyqty kúsheıtý, sonyń ishinde ırrıgasııalyq jelilerdi jańǵyrtý jónindegi sharalardy kózdeıtin yntymaqtastyq múmkindikterin saralady.
«Biz uzaqmerzimdi ári eki tarapqa da tıimdi yntymaqtastyqqa úmit artamyz. Mınıstrlik sý sharýashylyǵy ınfraqurylymyn keshendi túrde jańǵyrtý jobalaryn ázirlep jatyr. Osy jobalardy júzege asyrý úshin biz halyqaralyq qarjy ınstıtýttaryn keńinen tartyp jatyrmyz jáne Sý salasyn damytý jónindegi áriptesterdiń úılestirý keńesi aıasynda belsendi jumys júrgizip kelemiz», dedi Sý resýrstary jáne ırrıgasııa mınıstri Nurjan Nurjigitov.
