Foto: QR Mádenıet jáne aqparat mınıstrligi
Aıta keteıik, aldyn ala beıneirikteý kezeńine 400-den astam úmitker qatysqan. Sonyń ishinen bar bolǵany 12 úmitker tańdalǵan, sol úzdikterdiń qatarynda Áıgerim Altynbek te bar.
«Opera ánshisi Áıgerim Altynbek – kóptegen halyqaralyq vokaldyq baıqaýlardyń laýreaty.
Ol tanymal kompozıtor Djakomo Pýchchınıdiń 100 jyldyǵyna oraı uıymdastyrylǵan halyqaralyq opera ánshileri baıqaýynda jeńimpaz atandy. Sonymen qatar Italııanyń Modena qalasynda ótken Nıkolaı Gıaýrov atyndaǵy opera ánshileriniń halyqaralyq baıqaýynda úshinshi oryndy ıelendi. Qazaqstandyq ánshi ataqty ıtalııalyq opera ánshisi Mırella Frenıdiń arnaıy syılyǵyn aldy. Álemniń 470 qatysýshysy qatysqan Renata Tebaldı atyndaǵy halyqaralyq vokal konkýrsynda ónerpaz ekinshi orynǵa ıe boldy», dep habarlady QR Mádenıet jáne aqparat mınıstrliginiń baspasóz qyzmeti.
Sonymen qatar Áıgerim Altynbek 25 maýsymda álemge áıgili tenor Hose Karrerastyń konsertinde de óner kórsetedi. Kesh barysynda álemdik klassıkaǵa engen opera arııalary men dýetter oryndalady.
Sondaı-aq 27–28 maýsym kúnderi Italııanyń Neapol qalasynda ótetin Andrea Bochellıdiń mereıtoılyq konsertine qatysyp, aty ańyzǵa aınalǵan tenormen bir sahnada án shyrqaıdy.
Bul talantty ánshiniń kásibı sheberligi men tabandylyǵynyń nátıjesi ǵana emes, sonymen qatar memlekettiń jas ónerpazdardy qoldaýǵa baǵyttalǵan júıeli saıasatynyń jemisi.
