ASTANA. 16 aqpan. «Barys» hokkeı komandasy Habarovskiniń «Amýrdy» (RF) syrt aıdynda 5:3 esebimen jeńip, QHL-dyń Shyǵys konferensııasynda qaıtadan 6-orynǵa kóterildi. Bul týraly egemen.kz habarlady.
Alǵashqy kezeń aıdyn ıeleriniń basymdyǵymen ótti. Desek te, oıynnyń 8-mınýtynda «Amýr» sapynan Sergeı Peretıagın kishi aıyppen jazalanyp, «Barys» oıynshy basymdyǵyna ıe boldy. Alaıda, Andreı Nazarov jattyqtyratyn astanalyqtar bul múmkindikti paıdalana almady. Esesine, habarovskilik komanda ózderine berilgen osyndaı múmkindikti múlt jibermeı, 13-mınýtta esep ashty. Bul kezde qonaqtar sapynan eki birdeı oıynshy aıdynnan qýylǵan bolatyn. Naqty aıtsaq, 11-mınýtta Artem Lakıza jazalansa, 12-mınýtta Oleg Kvasha aıybyn óteıtin orynǵa attandy. Nátıjesinde, qarsylastar 5h3 formatynda oınap, «Amýrdyń» shabýylshysy Dmıtrıı Tarasov mergendigimen kózge tústi.
Ekinshi kezeń «Barystyń» shabýylymen bastaldy. Oıynnyń 22-mınýtynda aıdyn ıeleri sapynan Anton Krysanov qarsylasyn oıyn taıaǵymen toqtatqany úshin kishi aıyppen jazalandy. Bul joly astanalyqtar oıynshy basymdyǵyn júzege asyra bildi. Brendon Bochenskıden pas alǵan Dastın Boıd tarazy basyn teńestirdi. Kezeńniń dál orta tusynda «Amýr» taǵy da esepte alǵa shyqty. Goldyń avtory Aleksandr Rıazansev. Araǵa 1 mınýt salyp, «Barys» esepti teńestirip ketti. Nátıjeli soqqyny jasaǵan Bochenskı bolatyn. Bul eki gol da oıynshy basymdyǵy kezinde júzege asqanyn aıta keteıik. Úziliske deıin (34-mınýt) qonaqtar taǵy bir márte «Amýrdyń» qaqpasyn dál kózdep, oıyn barysynda alǵash ret eseptegi basymdyqqa ıe boldy. Bul joly Talǵat Jaılaýovtyń qanjyǵasy maılandy.
Sheshýshi kezeńde Iýkka Raýtakorpı jattyqtyratyn «Amýr» hokkeıshileri qarqynyn kúsheıtti. Tipti, 46-mınýtta Evgenıı Orlovtyń kómegimen úshinshi shaıbalaryn soǵyp, esepti 3:3-ke jetkizgen. Degenmen, aıdyn ıeleriniń odan árige shamasy jetpedi. Al salqynqandylyq tanyta bilgen «Barys» tartys sońyna deıin taǵy eki shaıba soǵyp, mańyzdy jeńiske qol jetkizdi. 13-mınýtta Naıdjel Doýs komandasynyń tórtinshi shaıbasyn soqsa, arada 4 mınýt ýaqyt ótken kezde Bochenksı dýbldiń avtory atandy. Osy tartysta «Amýr» qaqpasyn Aleksandr Pechýrskıı, al «Barystikin» Pavel Polýektov qorǵaǵanyn aıta keteıik.
Astanalyqtar kelesi oıyndy 16 aqpan kúni taǵy da syrt aıdynda «Amýrǵa» qarsy ótkizedi.
Elaman Qońyr.
Derek: egemen.kz.
Sýret: hcamur.ru.
ASTANA. 16 aqpan. «Barys» hokkeı komandasy Habarovskiniń «Amýrdy» (RF) syrt aıdynda 5:3 esebimen jeńip, QHL-dyń Shyǵys konferensııasynda qaıtadan 6-orynǵa kóterildi. Bul týraly egemen.kz habarlady.
Alǵashqy kezeń aıdyn ıeleriniń basymdyǵymen ótti. Desek te, oıynnyń 8-mınýtynda «Amýr» sapynan Sergeı Peretıagın kishi aıyppen jazalanyp, «Barys» oıynshy basymdyǵyna ıe boldy. Alaıda, Andreı Nazarov jattyqtyratyn astanalyqtar bul múmkindikti paıdalana almady. Esesine, habarovskilik komanda ózderine berilgen osyndaı múmkindikti múlt jibermeı, 13-mınýtta esep ashty. Bul kezde qonaqtar sapynan eki birdeı oıynshy aıdynnan qýylǵan bolatyn. Naqty aıtsaq, 11-mınýtta Artem Lakıza jazalansa, 12-mınýtta Oleg Kvasha aıybyn óteıtin orynǵa attandy. Nátıjesinde, qarsylastar 5h3 formatynda oınap, «Amýrdyń» shabýylshysy Dmıtrıı Tarasov mergendigimen kózge tústi.
Ekinshi kezeń «Barystyń» shabýylymen bastaldy. Oıynnyń 22-mınýtynda aıdyn ıeleri sapynan Anton Krysanov qarsylasyn oıyn taıaǵymen toqtatqany úshin kishi aıyppen jazalandy. Bul joly astanalyqtar oıynshy basymdyǵyn júzege asyra bildi. Brendon Bochenskıden pas alǵan Dastın Boıd tarazy basyn teńestirdi. Kezeńniń dál orta tusynda «Amýr» taǵy da esepte alǵa shyqty. Goldyń avtory Aleksandr Rıazansev. Araǵa 1 mınýt salyp, «Barys» esepti teńestirip ketti. Nátıjeli soqqyny jasaǵan Bochenskı bolatyn. Bul eki gol da oıynshy basymdyǵy kezinde júzege asqanyn aıta keteıik. Úziliske deıin (34-mınýt) qonaqtar taǵy bir márte «Amýrdyń» qaqpasyn dál kózdep, oıyn barysynda alǵash ret eseptegi basymdyqqa ıe boldy. Bul joly Talǵat Jaılaýovtyń qanjyǵasy maılandy.
Sheshýshi kezeńde Iýkka Raýtakorpı jattyqtyratyn «Amýr» hokkeıshileri qarqynyn kúsheıtti. Tipti, 46-mınýtta Evgenıı Orlovtyń kómegimen úshinshi shaıbalaryn soǵyp, esepti 3:3-ke jetkizgen. Degenmen, aıdyn ıeleriniń odan árige shamasy jetpedi. Al salqynqandylyq tanyta bilgen «Barys» tartys sońyna deıin taǵy eki shaıba soǵyp, mańyzdy jeńiske qol jetkizdi. 13-mınýtta Naıdjel Doýs komandasynyń tórtinshi shaıbasyn soqsa, arada 4 mınýt ýaqyt ótken kezde Bochenksı dýbldiń avtory atandy. Osy tartysta «Amýr» qaqpasyn Aleksandr Pechýrskıı, al «Barystikin» Pavel Polýektov qorǵaǵanyn aıta keteıik.
Astanalyqtar kelesi oıyndy 16 aqpan kúni taǵy da syrt aıdynda «Amýrǵa» qarsy ótkizedi.
Elaman Qońyr.
Derek: egemen.kz.
Sýret: hcamur.ru.
