Foto: Ashyq derekkóz
Kompanııanyń baspasóz qyzmetiniń málimetinshe, 25 maýsym kúni kelesi reıster oryndalady (ýaqyt jergilikti boıynsha kórsetilgen):
- KC205 Astana – Dýbaı, 11:00;
- KC206 Dýbaı – Astana, 16:40;
- KC653 Almaty – Doha, 11:00;
- KC654 Doha – Almaty, 15:05;
- KC897 Almaty – Dýbaı,11:15;
- KC898 Dýbaı – Almaty, 16:10
Sondaı-aq, eń úlken áýe kemesi Boeing 767 arqyly arnaıy repatrıasııalyq reıs KC8980 Dýbaı – Almaty baǵyty boıynsha 17:40-ta oryndalady. Atalǵan reısterge bıletter satylymǵa ashyq.
«Reıster ushý qaýipsizdiginiń joǵary halyqaralyq standarttaryna saı oryndalady», delingen habarlamada.
Esterińizge sala keteıik, buǵan deıin Qazaqstandyq áýe kompanııalar Taıaý Shyǵystaǵy áskerı-saıası jaǵdaıdyń ýshyǵýyna baılanysty qaýipsizdik maqsatynda Dýbaı men Doha baǵytyndaǵy birneshe reısti ýaqytsha toqtatqan bolatyn.
