Foto: О́nerkásip jáne qurylys mınıstrligi
Búginde 1400-den astam jeńil ónerkásip kásiporny jumys isteıdi, onyń jartysynan astamy kıim tigýshiler.
Aıta ketsek, 803 – tigin óndirisi, 481 – toqyma ónerkásibi, 122 – teri jáne ilespe buıymdar shyǵaratyn kásiporyn.
О́nerkásip jáne qurylys mınıstrliginiń baspasóz qyzmetiniń málimdeýinshe, memleket bızneske qoldaý kórsetýdi arttyryp otyr: 2024 jyldyń mamyr aıynan bastap kásipkerler jabdyqty satyp alýǵa ketken shyǵyndardyń 40%-ǵa deıinin óteı alady, ol jylyna 60 mln teńgege deıin qarajatty quraıdy.
Odan bólek, sala jylyna 3 paıyzben jeńildetilgen qarjylandyrýǵa qol jetkizip, 9 arnaıy ekonomıkalyq aımaqtaǵy basym baǵyttardyń tizimine endi. Otandyq taýar óndirýshilerdi qorǵaý úshin 1100-den astam taýar túrlerin memlekettik satyp alýdaǵy ulttyq rejımnen eki jylǵa bosatý qarastyrylǵan.
Memleket jergilikti óndiriske úmit artyp, «Qazaqstanda jasalǵan» ónimderdi tigip, toqyp, ónim shyǵaratyndarǵa kómektesýge daıyn.
