Oblys ákiminiń orynbasary Nurbol Turashbekov aýyl sharýashylyǵy daqyldarynyń joıylýyna jol bermeý maqsatynda sý berý kestesi sharýalardyń kelisimimen bekitilip, aǵyn sý kezektilik tártibimen berilip jatqanyn málim etti.
«Aldaǵy ýaqytta sý tapshylyǵyn tolyq sheshý maqsatynda «Báıdibek ata», «Boraldaı» sýqoımalary jobalary qolǵa alyndy. Nátıjesinde «Bógen» sýqoımasyna qosymsha 113 mln tekshe metr aǵyn sý jetkiziletin bolady. Jobany tolyq aıaqtaýǵa 5,4 mlrd teńge qarjy bólý usynyldy. Bıyl oblysta sý únemdeý tehnologııalaryn jańadan 27 myń gektarǵa ornalastyrý josparlanǵan. Oblys múmkindigine sáıkes, sý únemdeý tehnologııalary 59 myń gektarǵa ornalastyrylatyn bolady», dedi Nurbol Turashbekov.
Onyń aıtýynsha oblysqa tıesili jyldyq sý paıdalaný lımıtiniń 63%-y kórshi memleketterdiń aýmaǵynan keledi. Transshekaralyq «Dostyq» magıstraldy kanaly arqyly Jetisaı, Maqtaaral aýdandarynda 140 myń gektar jer aǵyn sýmen qamtamasyz etiledi. Jalpy oblystaǵy 25 sýqoıma, 1 sý rettegish, 269 kanaldy kúrdeli jóndeýden ótkizý nátıjesinde sý nysandarynyń tozý kórsetkishi 76%-dan 50%-ǵa tómendeıdi. Nátıjesinde 400 myń gektar sýarmaly jerlerge sý jetkizý qabilettiligi artyp, jyl saıyn qosymsha 200 mlrd teńgeniń ónimi óndiriledi.
