О́ıtkeni olardyń ár sheshimi – halyqtyń ál-aýqatyna, qoǵamnyń turaqtylyǵyna, eń bastysy memlekettiń bolashaǵyna tikeleı áser etedi. Iаǵnı memlekettik qyzmetshilerdiń zań men tártip qaǵıdatyn ustanýy – tek qyzmettik mindet emes, bul qoǵamdyq senimdi aqtaýdyń, ádilettilik pen turaqtylyqtyń kepili. Sol sebepti salada kásibılikpen qatar adaldyq, jaýapkershilik jáne qoǵamǵa shynaıy janashyrlyq asa mańyzdy. Osyndaı qasıetterdi boıyna sińirgen mamannyń biri – Valerıı Sosenko.
Eńbek jolyn 1987 jyly qarapaıym zootehnıkten bastaǵan ol búginde Meńdiqara aýdanyna qarasty Pervomaı aýyldyq okrýginiń ákimi qyzmetin atqaryp keledi. Tek mindetin atqarýmen shektelmeı, Valerıı aýyl turǵyndarynyń muń-muqtajyna shynaıy janashyrlyqpen qarap, naqty sheshim qabyldaı alatyn kóshbasshylyq qabiletin de kórsetip júr. Buǵan bir jaǵynan memlekettik qyzmettegi 30 jylǵa jýyq tájirıbesi sep bolyp otyr.
– KSRO Qarýly Kúshteri qatarynda áskerı boryshymdy ótep, azamattyq paryzymdy abyroımen oryndadym. Keıin kindik qanym tamǵan jerge mańdaı terim de tamsyn degen nıetpen aýylǵa keldim. 1996 jylǵa deıin zootehnık bolyp eńbek etip, salanyń qyr-syryn tereń meńgerdik. Sol jyldyń jeltoqsan aıynda kóptiń qoldaýymen aýyldyq okrýgtiń ákimi qyzmetine taǵaıyndaldym. Jalpy, qandaı jaǵdaı bolsyn, memlekettik qyzmette ózgermeıtin qaǵıdalar bar. Bul – eń aldymen elińe degen janashyrlyq, adaldyq, jaýapkershilik jáne quqyqtyq turǵydan saýatty bolý. Al ishki tártip pen kásibıligin talabyńdy ósirmese, kemitpeıdi. Qazir – álem damýy jańasha serpin alyp, sıfrly tehnologııa dáýren quryp turǵan shaq. Desek te qoǵamdyq basqarý júıesindegi qundylyqtar tek túrlenbese, túbegeıli ózgermeıdi. Al men atap ótken qasıetter elde zań men tártip qaǵıdatynyń berik ornyǵýyna negiz bolady, – deıdi V.Sosenko.
Teń quqyq pen tártip ornaǵan qoǵamda ǵana damý men órleý bolady. Al bul jolda kásibılik pen janashyrlyq qatar júrýge tıis.
