Memleket basshysynyń 2019 jylǵy 14 mamyrdaǵy aımaqqa jumys saparynda Úkimet pen oblys ákimdigine «Kókaral» bógetin qalpyna keltirý úshin shuǵyl sharalar qabyldaýdy tapsyrǵan bolatyn. Osyǵan baılanysty «Kókaral bógetin saqtap qalý jáne Syrdarııa ózeniniń atyraýyn qalpyna keltirý» jobasynyń joba-smetalyq qujattamasy ázirlenip, memlekettik saraptamadan oń qorytyndy alyndy. Jalpy quny 4,5 mlrd teńge bolatyn joba boıynsha tapsyrys berýshi – QR Sý resýrstary jáne ırrıgasııa mınıstrligi, merdigeri – «Qazsýshar» RMK Qyzylorda fılıaly.
2022-2026 jyldar aralyǵyn qamtıtyn joba aıasyndaǵy jumystar kezeń-kezeńimen qarjylandyrylyp keledi. Jóndeý barysynda zaqymdalǵan bóget qalpyna keltirilip, «Qarashalań» kóli arqyly teńizge eki arna jáne «Tushy» kóli arqyly bir arna qazý josparlanǵan. Bul Kishi Aral teńiziniń ońtústik bóliginde turaqty sý aınalymyn qalyptastyrýǵa múmkindik beredi.
Atalǵan iri ekologııalyq joba Aral óńiriniń tabıǵı tepe-teńdigin qalpyna keltirýge, sý resýrstaryn tıimdi paıdalanýǵa jáne jergilikti halyqtyń turmys sapasyn jaqsartýǵa baǵyttalyp otyr.
