Sarapshylar Irannyń qorǵanys júıesi álsiregenin, proksı kúshter men zymyrandary nátıje bermegenin aıtady. Al Izraıl Iran áýe keńistiginde basymdyqqa ıe bolǵan. Iаdrolyq baǵdarlama da birneshe jylǵa keıin shegerilýi múmkin.
Izraıldik saıasattanýshy Ksenııa Svetlova da bul soǵystyń ýaqytsha úzilis ekenin aıtyp otyr.
«Qazirgi qaqtyǵys – tek shaıqas. Alda áli soǵys bar», deıdi ol.
Onyń paıymynsha, Izraıl de, Iran da turaqty kelisimge senbeıdi, al aımaqtaǵy qaýipsizdik burynǵy qalpyna endi oralmaıdy.
Reseı men Iran arasyndaǵy áriptestik te shekteýli sıpatta. Jýyrda jarııalanǵan kelisim áskerı kómekti mindettemeıdi. Reuters agenttiginiń málimetinshe, Iran basshysy Hameneı Reseıden álsiz qoldaý alǵanyna narazy.
