Foto: Úkimettiń baspasóz qyzmeti
Búgin Parlament palatalarynyń birlesken otyrysynda Úkimet pen Joǵary aýdıtorlyq palata 2024 jylǵy respýblıkalyq bıýdjettiń oryndalýy boıynsha esep berdi.
Mınıstrdiń aıtýynsha, sońǵy eki jyl ishinde 7 mıllıonǵa jýyq balaǵa 233 AQSh dollary kóleminde qarajat eseptelgen. Tek 2024 jyly baǵdarlamaǵa 6 919 131 bala qatysqan, olardyń árqaısysynyń shotyna 100,52 dollardan túsken. Jalpy aýdarylǵan soma 695,5 mıllıon AQSh dollaryn qurady.
«Ulttyq qordyń aktıvteri 2023 jyly 16 paıyzǵa ósip, 66,2 mıllıard dollarǵa jetti», dedi Mádı Takıev.
Mınıstr sondaı-aq el ekonomıkasynyń ósimi týraly da málimet berdi. 2024 jyly JIО́ 4,8 paıyzǵa ulǵaıǵan. Bul ósim negizinen munaıǵa qatysy joq sektordyń esebinen qamtamasyz etildi. Al bıylǵy jyldyń 5 aıynda JIО́ ósimi 6 paıyzdy quraǵan.
Sonymen qatar Mádı Takıevtiń aıtýynsha, 2024 jyldyń qorytyndysy boıynsha respýblıkalyq bıýdjetke 19,6 trln teńge tústi, bul jyldyq jospardyń 97,2%-yn quraıdy.
Qarajattyń túsýiniń tómendeýi úshinshi elderden ımporttyń azaıýyna jáne Teńiz ken ornynda keńeıtý jónindegi jobany iske qosýdyń keıinge qaldyrylýyna baılanysty.
