Solardyń biri – lamınattalǵan aǵash-jańqa plıtasyn óndiretin otandyq Lam.Tech kompanııasy. Bul kásiporyn QazIndustry qoldaýynyń shynaıy tıimdiligin óz tájirıbesinde dáleldep otyr. 2024 jyly kompanııa óndiristik áleýetin arttyrý úshin ystyq lamınasııaǵa arnalǵan joǵary tehnologııaly press satyp aldy. Jalpy ınvestısııa kólemi 384 myń AQSh dollaryna jetti. Memlekettik yntalandyrý aıasynda Lam.Tech bul jabdyqqa jumsalǵan shyǵyndarynyń 60 mıllıon teńge kólemindegi bóligin ótep aldy.
Kompanııa bul qarajatty qaıtadan óndiristi jańǵyrtýǵa baǵyttap, naryqtaǵy pozısııasyn odan ári kúsheıtýge kiristi. Zamanaýı jabdyqty ornatý Lam.Tech-ke naqty nátıjelerge qol jetkizýge jol ashty. Birinshiden, kásiporyn tekstýrasy bar lamınattalǵan plıtalardy shyǵara bastady. Bul jańa ónim túrine suranys joǵary bolyp, naryqta úlken qyzyǵýshylyq týdyrdy. Ekinshiden, 20-dan astam jańa jumys orny ashylyp, jergilikti turǵyndar úshin turaqty tabys kózi paıda boldy. Úshinshiden, óndiristik qýat táýligine 3 myń sharshy metrge deıin artty.
Osynyń barlyǵy ishki jáne syrtqy naryqtaǵy básekege qabilettilikti eseleı tústi. Aı saıyn 350 myń sharshy metrge deıin ónim shyǵara alatyn kásiporynda búginde 165 adam turaqty jumyspen qamtylǵan.
«Jabdyqqa baǵyttalǵan strategııalyq ınvestısııalar men memleket tarapynan kórsetilgen qoldaýdyń arqasynda biz saladaǵy ornymyzdy nyǵaıtyp, turaqty ósimdi qamtamasyz ettik», deıdi óndiris jónindegi dırektordyń orynbasary Aleksandr In.
Lam.Tech kompanııasy aldaǵy ýaqytta da óndiris kólemin ulǵaıtyp, jańa tehnologııalar engizý arqyly ónim túrlerin kóbeıtýdi kózdep otyr. Basshylyqtyń paıymdaýynsha, memlekettik qoldaý – turaqty damýǵa bastaıtyn senimdi jol. О́ıtkeni shyǵyndardyń bir bóligin óteý arqyly ınvestısııalyq júkteme azaıyp, jańa óndiris jelilerin iske qosý ýaqyty qysqara túsedi.
Aıta keteıik, QazIndustry tarapynan tehnologııalyq prosesterdi jetildirý, óndiristi jańǵyrtý jáne ónimdi ilgeriletý baǵytyndaǵy shyǵyndardyń 40–50 paıyzyna deıin (60 mıllıon teńgeden aspaıtyn kólemde) óteý qarastyrylǵan. Bul – kásiporyndardyń áleýetin arttyryp, otandyq ónimderdiń sapasyn jaqsartýǵa baǵyttalǵan mańyzdy qoldaý tetigi.
