Bul keıs Freedom Holding Corp. kompanııasynyń Bas atqarýshy dırektory Tımýr Týrlovpen bolǵan suhbatqa negizdelip jasalyp, kompanııany masshtabtaý strategııasyn, qarjylyq jáne tutyný servısteriniń sıfrlyq ekojúıesiniń qurylymyn jáne basqarýdyń negizgi sheshimderin egjeı-tegjeıli sıpattaıdy. Bıznestiń serpindi ósýindegi tehnologııanyń, tik ıntegrasııanyń jáne korporatıvtik mádenıettiń róline erekshe nazar aýdarylady.
Stanford GSB ádis-tásilderiniń toptamasy MBA baǵdarlamalarynda qoldanylady jáne búkil álem boıynsha stýdentter, basshylar jáne kásipkerler úshin zertteý nysany bolyp tabylady. Kompanııany osy toptamaǵa qosý ınnovasııalyqty, ornyqty ósýdi jáne strategııalyq kóshbasshylyqty eskeretin qatań irikteýdiń nátıjesi bolyp tabylady.
Freedom Holding Corp. kompanııasynyń Bas atqarýshy dırektory Tımýr Týrlov bul jaıynda bylaı deıdi: «Bizdiń myqty, klıentke baǵyttalǵan ekojúıeni qurýdaǵy tájirıbemiz álemniń jetekshi bıznes mektepteriniń biri retinde tanylǵanyn maqtan tutamyn. Bul jaǵdaı bizdiń durys baǵytta kele jatqanymyzdyń mańyzdy dáleli».
Aıta ketý kerek, bul Stenford bıznes mektebindegi qazaqstandyq kompanııa týraly alǵashqy jaǵdaı jáne elimiz úshin mańyzdy oqıǵa bolyp tabylady. Is-shara Qazaqstanǵa jáne onyń ınvestısııalyq áleýetine halyqaralyq qyzyǵýshylyqtyń ósýine yqpal etedi, sondaı-aq eldi jahandyq bıznes ambısııasy bar serpindi damyp kele jatqan óńir retinde ilgeriletýge úles qosady.
Keıs siltemesi arqyly jarııalanyp, Stanford GSB mektebiniń stýdentterine, qyzmetkerlerine jáne túlekterine qoljetimdi
