Sońǵy jyldary atalǵan aýmaqta oqýshy oryndarynyń tapshylyǵy ótkir sezilip kelgen. Osyǵan baılanysty arnaıy joba qolǵa alynyp, jańa bilim oshaǵynyń qurylysy júrgizildi.
Jańa mektepte 70 oqý kabıneti bar. 0-4 synyptarda bes parallelden, 5-11 synyptarda tórt parallelden oqytý qarastyrylǵan. Oqý orny tolyqtaı zamanaýı tehnıkamen jáne qazirgi standarttarǵa saı jıhazben jabdyqtalǵan.
Jańa mektep oryn tapshylyǵyn sheship qana qoımaı, oqýshylarǵa sapaly bilim alýǵa múmkindik beretin qaýipsiz ári jaıly, tehnologııalyq bilim berý ortasyn qamtamasyz etedi.
О́ńirde apatty mektepterdiń ornyna jańa ǵımarattar salý baǵdarlamasy júıeli túrde júzege asyrylyp keledi. О́tken jyly Sychevka, Qarajar jáne Moıseevka aýyldarynda jańa mektepter paıdalanýǵa berilgen. Tamyz aıynda Aqqýly aýdanynyń Tlektes aýylynda jáne Pavlodar aýdanynyń Birlik aýylynda jańa oqý oryndary ashylady dep josparlanǵan. Irtysh aýdanynyń Tlektes pen Qyzylqaq aýyldaryndaǵy mektepter de apatty ǵımarattardyń ornyna salynyp jatyr. Qyzylqaqtaǵy nysan kelesi jyly paıdalanýǵa beriledi.
