Foto: Ashyq derekkóz
Mınıstr bul sheshimdi Batys Qazaqstan oblysyndaǵy fermerlermen kezdesýde málimdedi. Onyń aıtýynsha, bul qadam ǵylymı derekter men halyqaralyq tájirıbege súıene otyryp qabyldanǵan.
«Ǵylymı qorytyndylarǵa, fermerlerdiń usynystaryna jáne álemde jekelegen janýar túrleriniń sanyn retteý tájirıbesine súıene otyryp, kıik popýlıasııasyn retteý týraly sheshim qabyldandy», dedi Erlan Nysanbaev.
Buǵan deıin Qazaqstan kıik popýlıasııasyn qalpyna keltirýge kóp kúsh pen qarajat jumsaǵan-dy. Búginde osy janýarlardyń aýyl sharýashylyǵyna, azyq-túlik qaýipsizdigine, tipti adamǵa qaýip tóndire bastady degen pikirler aıtylyp júr.
Kıik 1996 jyly Halyqaralyq tabıǵat qorǵaý odaǵynyń Qyzyl tizimine engen. Qazaqstannyń Qyzyl kitabyna engizilmegenimen, ony aýlaýǵa tyıym salynǵan. Sondyqtan kıikti zańsyz atý Qyzyl kitapqa engen janýarlardy atqanmen teń.
E.Nysanbaevtyń aıtýynsha, ǵalymdar kıik popýlıasııasynyń 20 paıyzyn retteýdi usynǵan.
Ekologııa mınıstriniń málimetinshe, Qazaqstanda shamamen 3,9 mıllıon kıik bar. Sonyń ishinde shamamen 800 myńǵa jýyq bas aýlanýy múmkin. Mınıstr sondaı-aq, mundaı kólemdi júzege asyrý úshin et kombınattarynyń kómegi qajet bolatynyn aıtty.
