Almatynyń týrızm basqarmasy málimdep otyrǵandaı, alǵashqy reıs arqyly qalaǵa áýe kompanııa ókilderi, Qytaıdyń BAQ ókilderi men blogerleri kelmek. Bul joba Qytaıda keńinen nasıhattalyp, Almatynyń tanymaldylyǵyn arttyrýǵa sep bolmaq. Is-sharaǵa oraı qalanyń týrızm basqarmasy «Almatynyń sımvoly syılyqqa» aksııasyn uıymdastyryp, shaharǵa ushyp kelgen jolaýshylardy estelik kádesyımen qarsy alýdy josparlap otyr.
Jańa áýe baǵyty Almaty ákimdigi men China Eastern Airlines basshylyǵy arasyndaǵy 2025 jyldyń aqpan aıynda jasalǵan kelisimderdiń nátıjesinde júzege asqanyn jáne bul kompanııanyń Ortalyq Azııaǵa alǵashqy reısi ekendigin atap ótý kerek.
Jańa baǵyttyń iske qosylýy qalany qytaılyq týrıster men bıznes ókilderi úshin burynǵydan da qoljetimdi ete túspek. 2025 jyly alǵashqy toqsanynda Almatyǵa QHR-nan kelgen týrıster sany 20,9 myńnan asyp, ótken jyldyń osy kezeńimen salystyrǵanda 39,9% ósken.
Búginde Almatydan Beıjiń, Gýanchjoý, Sıan, Úrimji, Hanchjoý jáne Sanıaǵa tikeleı áýe qatynasy bar. Jańa reıs osy baǵyttardy tolyqtyryp, eki el arasyndaǵy áýe qatynasynyń jıiligin arttyrady. Qazirgi tańda bul kórsetkish aıyna 150 reısten asady.
