Qaıyrjan Hasanov atyndaǵy Alash jáne tarıhı-ólketaný mýzeıinde ótken is-shara qazaqtyń tól aspaby – dombyrany ulyqtaǵan taǵylymdy kezdesý boldy. Baıqaýdy Qaratóbe aýdandyq mádenıet úıi, «Izgilik» qoǵamdyq birlestigi, «Áıelder» qoǵamdyq birlestigi jáne Qaratóbe jastar resýrstyq ortalyǵy uıymdastyrdy.
– Dombyra halqymyzdyń jany, rýhy, shejiresi. Onyń úni arqyly eldiń tarıhy, júregi, armany sóıleıdi. Búgingi baıqaý tek óner jarysy emes, bul – ulttyń ótkeni men búgini arasyndaǵy rýhanı kópir. Bizdiń mindet osyndaı sharalar arqyly jastardyń boıynda ulttyq ónerge degen qurmetti, súıispenshilikti qalyptastyrý. Qazaqtyń qanyna sińgen kúı men áýen tek estelik emes, ol ómirsheń ónege. Alash mýzeıiniń bul bastamasy quptarlyq ári qoldaýǵa laıyq is, - dedi is-sharanyń ashylý saltanatynda quttyqtaý sóz sóılegen Qaratóbe aýdanynyń ákimi Qadyrjan Súıeýǵalıev.
Baıqaýǵa qatysqan ónerpazdar buǵan deıin úlken sahnada óner kórsetpese de aýyl-aımaq arasynda tanylyp júrgen ánshiler eken. Olar oryndaǵan halyq ánderi kórermenniń júregine jol taýyp, shynaıy yqylasqa bólendi.
О́ner saıysynyń nátıjesinde birinshi júlde egindikóldik Qamajaı Izbanovaǵa buıyrdy. Ekinshi orynǵa – aqqozylyq Aqjan Aıtqalı ıe bolsa, úshinshi oryndy úshaǵashtyq Márýash Eleshova alyp ketti. Qaratóbelik Gúlára Qaıyrjanqyzy «Kórermen kózaıymy» atandy. Barlyq júldeger aqshalaı syılyqqa ıe boldy.
Batys Qazaqstan oblysy
