64-konserttik maýsym aıasynda ujym 82 konsert, 3 iri shyǵarmashylyq joba jáne memlekettik mańyzy bar is-sharalar júzege asty. Roza Baǵlanova atyndaǵy halyqaralyq vokaldyq konkýrsy, «Serper» ulttyq óner konkýrsy, «Meniń Qazaqstanym» atty Shámshi Qaldaıaqov ánderiniń halyqaralyq festıvali uıymdastyryldy.
Konserttik baǵdarlamada tanymal kompozısııalar, zamanaýı aranjırovkalar, orkestrlik súıemeldeý jáne ashyq aspan astyndaǵy merekelik atmosfera usynyldy. Is-sharaǵa «Qazaqkonserttiń» tanymal solısteri men shyǵarmashylyq ujymdary qatysty. Atap aıtsaq, Qazaqstannyń halyq ártisi Maqpal Júnisova, Qazaqstannyń eńbek sińirgen ártisi Nurlan О́nerbaev, Qazaqstannyń eńbek sińirgen qaıratkerleri, halyqaralyq jáne respýblıkalyq baıqaýlardyń laýreattary, Qazaq memlekettik sımfonııalyq orkestri, «Gúlder» jáne «Birlik» ansamblderi, «Turan» etno-folklorlyq ansambli, «Saz&Soul» toby jáne «Astana Musical» memlekettik teatry óner kórsetti.
Maýsym aıasynda uıym ártisteri qazaq ónerin álemge tanystyrý maqsatynda Fransııa, Ulybrıtanııa, Italııa, Kanada, Túrkııa, Ispanııa, Chehııa, Bolgarııa, Belarýs, Majarstan, BAÁ, Tájikstan, Reseı Federasııasy, Túrikmenstan, Grýzııa, Armenııa, Latvııa jáne Ázerbaıjan sekildi 22 shet memleketke gastroldik saparmen bardy.
«Qazaqkonsert» 17 respýblıkalyq gastroldik sapary barysynda elimizdiń túkpir-túkpirin aralap, ulttyq mádenıetti keńinen dáripteýge yqpal etti.
Aqqý DО́NESh,
L.N.Gýmılev atyndaǵy EUÝ-dyń 2-kýrs stýdenti
