Iskerlik baılanys ornatyldy

Bul jańalyqty oblys áki­mi­niń baspasóz qyzmeti habarla­dy. Jaqynda Qytaı Halyq Res­pýb­­lıkasyna jumys saparymen baryp qaıtqan óńir basshysy Narı­man Tóreǵalıev Szıansý provın­sııasynyń iri óndiristik jáne saý­da konglomerattarynyń biri — «Jiangsu SOHO Holding Group» memlekettik korporasııasy­­nyń basshylyǵymen kezdesý ótkiz­gen. Is-shara Memleket basshysy Qasym-Jomart Toqaev erekshe nazar aýdaratyn Qazaqstan men Qytaı ara­syndaǵy óńiraralyq baılanysty nyǵaıtý aıasynda ótken. Prezıdent eki el ara­syn­daǵy strategııa­lyq serik­tes­­tikti tereńdetýdiń mańyz­dy qu­ra­ly retinde óńirlerdiń tike­leı ynty­maqtastyǵyn damy­­tý qajet­tigin únemi aıtyp júrgeni málim.

«Jiangsu SOHO Holding Group» kompanııasy 380-nen astam kásip­oryndy biriktirip, halyq­aralyq saýda, logıstıka, toqyma óner­kásibi, «aqyldy» óndiris jáne qar­jylandyrý salasynda aýqym­dy jobalardy júzege asy­rady. Kompanııanyń syrtqy eko­no­mı­kalyq operasııalarynyń jyl­dyq kólemi 11 mıllıard dollardan asady, geografııasy 160-tan astam eldi qamtıdy.

Kezdesý barysynda taraptar eki­jaqty yntymaqtastyq múmkindi­gin talqylap, BQO ónimderin SOHO saýda alańdaryna jetkizý, «Qy­taı – Ortalyq Azııa – Eýropa» ba­ǵy­ty boıynsha logıstıkalyq torap­­­tar­dy Qazaqstanda ornalastyrý ­jáne Qytaıdyń aýyl sharýashyly­ǵy ónim­derin qaıta óńdeýge jáne saqtaý, ótkizý ınfraquryly­­­myn damy­týǵa qatysý jóninde máse­le­ler­­di talqylaǵan. Sondaı-aq SOHO-nyń Azııa, Eýropa jáne Taıaý Shyǵys elderindegi kóterme jáne bólshek saýda arnalary je­lisi arqy­ly Batys Qazaqstan oblysy ónim­deriniń eksportyn ilgeriletý bas­ta­masy erekshe qyzyǵýshy­lyq tý­dyrdy. Kompanııa basshylyǵy ob­ly­s­tyń bıznes ókil­derine tegin keńse bólmesin berýge daıyn ekenin bildirdi. Kelissóz qorytyndysynda ınvestısııalyq usynystardy da­ıyndaý úshin eki tarap ár sala bo­ıynsha qosymsha keńes ótkizýge ýaǵdalasty.

«Jiangsu SOHO Holding Group» sııaqty joǵary tehnologııalyq ­jáne halyqaralyq naryqqa baǵyt­tal­­­ǵan seriktestermen yn­tymaq­tas­­tyq­­­ty odan ári tereńdetý eli­mizdiń ­Qytaı men Eýrazııa elderi ara­syn­daǵy senimdi ekonomıka­lyq kópir retindegi ustany­myn nyǵaı­týǵa septigin tıgizedi», deıdi N.Tóreǵalıev.

Batys Qazaqstan oblysy