Bilim • 02 Shilde, 2025

Elimizde kolledjderge arnalǵan aqparattyq karta jasalyp jatyr

20 ret

kórsetildi

1 mın

oqý úshin

«Jumysshy mamandyqtar jyly» sheńberinde Qazaqstan Respýblıkasy Oqý-aǵartý mınıstrligine qarasty «Talap» kommersııalyq emes aksıonerlik qoǵamy tehnıkalyq jáne kásiptik bilim berý salasyna arnalǵan aqparattyq kartany ázirleý ústinde. Bul platforma elimizdegi kolledjder týraly mańyzdy jáne jańartylǵan málimetterdi sıfrlyq karta túrinde jınaqtap, qoldanýshyǵa qolaıly formatta usynýdy kózdeıdi, dep habarlaıdy Egemen.kz mınıstrliktiń baspasóz qyzmetine silteme jasap.

Aıana TOǴANBEK

Elimizde kolledjderge arnalǵan aqparattyq karta jasalyp jatyr

Interaktıvti karta paıdalanýshyǵa qajetti óńirdi tez tańdaýǵa jáne sol aımaqtaǵy kolledjderdiń, stýdentter men oqytýshylardyń sanyn, jataqhanalar, sport zaldary jáne ózge de nysandar, daıarlyq baǵyttary men mamandyqtar tizimi týraly aqparat alýǵa múmkindik beredi.

Platforma oblystar, aýdandar, naqty kolledjder jáne bilim berý baǵdarlamalary boıynsha ıkemdi júıemen jabdyqtalǵan.

«Búginde mundaı aqparat tek jekelegen platformalarda nemese jergilikti atqarýshy organdardyń saıttarynda ǵana jınaqtalady. Jańa karta el boıynsha barlyq derekterdi biriktirip, ýákiletti organdar úshin de, stýdentter men olardyń ata-analary úshin de paıdaly quralǵa aınalady», dedi QR Oqý-aǵartý mınıstrligi Tehnıkalyq jáne kásiptik bilim berý departamentiniń dırektory Áset Muhanbetov.

Pılottyq júıeni iske qosý 2025 jyldyń shilde aıyna josparlanǵan.

Júıe «Talap» KEAQ resmı saıtynda jáne map.talap.edu.kz/map mekenjaıy boıynsha qoljetimdi.