Sýret: gov.kz
2024 jyldyń qorytyndysynda Orta dáliz arqyly tasymal kólemi burnaǵy jylmen salystyrǵanda 65%-ǵa artqan. Eýrazııanyń dál orta tusyna ornalasqan elimizde 11 halyqaralyq tranzıttik dáliz bar. О́tkizý qabiletin arttyrý men júk tasymalyndaǵy jaǵdaıdy jaqsartý maqsatynda jalpy uzyndyǵy 1,3 myń km bolatyn 4 iri temirjol jobasynyń qurylysy jalǵasyp jatyr. Olardyń qatarynda Dostyq – Moıynty, Almaty aınalma jelisi, Darbaza – Maqtaaral, Baqty – Aıagóz temirjol magıstraldary bar. Bul jobalar taýar tasymaldaý men logıstıkalyq ınfraqurylymdy jaqsartý úshin strategııalyq mańyzǵa ıe.
Byltyr 12 myń km avtojol jóndeýden ótse, sonyń 7 myńynda jumys aıaqtaldy. Qaraǵandy – Almaty, Taldyqorǵan – О́skemen, Aqtóbe – Qandyaǵash, Buqtyrma kópiri, Shamalǵandaǵy jol aıryǵy men Túrkistan óńirindegi týnel tranzıttik qozǵalystyń sapasyn edáýir arttyrdy. Bıyl jóndeý jumystary 13 myń km joldy qamtıdy. Onyń qatarynda respýblıkalyq mańyzy bar joldardyń 2 myń km-de qaıta jańǵyrtý, oblys ortalyqtary arasyndaǵy 6,6 myń jáne jergilikti joldardyń 4,2 myń km-i jóndelmek. Jyl sońyna deıin 9 myń km jolda jumystar tolyq aıaqtalaly.
Memleket basshysynyń tapsyrmasyna sáıkes, 10 myń km tranzıttik avtojolda ortasha jóndeý jumystary jalǵasyp jatyr. Joba «Qazaqstan Damý Banki» arqyly qarjylandyrylǵan. Jóndeý jumystary óńiraralyq jáne aýdanaralyq baılanystardy jaqsartady. Negizgi baǵyttar – Qandyaǵash – Shalqar, Jezqazǵan – Petropavl, Atyraý – Dossor, Jańaózen – Kendirli – Túrikmenstan shekarasy, Qaraǵandy – Aıagóz.
«Ortasha jóndeý rekonstrýksııamen salystyrǵanda 7 ese arzan ári 2 ese jyldam júredi, sondyqtan bul ádis tranzıttik ınfraqurylymdy tıimdi damytýǵa múmkindik beredi. Mundaı sharalar respýblıkalyq joldardyń 94%-yn normatıvtik talaptarǵa sáıkestendirýge jol ashady. Bul óz kezeginde tranzıt aǵynyn tartýǵa, qozǵalys qaýipsizdigin arttyrýǵa jáne ekonomıkalyq tıimdilikke oń áser etedi», deıdi Kólik mınıstrligi, Avtojol komıteti tóraǵasynyń orynbasary Jambyl Baqtııar.
