Qylmystyq oqıǵa bıylǵy jyldyń qańtarynda Aqtóbe qalasynyń eski bóligindegi jeke turǵyn úılerdiń birinde oryn aldy. Jeke bas arazdyǵyn sebep qylyp, kek alý maqsatymen qylmysker burynǵy súıiktisiniń ata-anasynyń úıine kelip, jazǵy as úıde jasyrynady. Ol áýeli jazǵy úıge kirgen qart áıelge birneshe pyshaq jaraqatyn salǵan. Anasynyń syrtta biraz ýaqyt aıaldap, úıge kirmegenin baıqaǵan qyzy artynan izdep barǵanda, qylmysker ustap alady da, qol-aıaǵyn baılap, kepildikke alǵan. Olardy izdep kelgen kelinshektiń ógeı ákesin de qylmysker aýyr jaraqattaıdy. Qart sol jerde qaıtys bolady. Keshqurym ýaqytta úıine kelgen jasóspirim anasy men ata-ájesiniń úıde joqtyǵyn kórip, ári úıdiń ashyq-ashyq jatqanynan seziktenir, jaqyn jerde turatyn týys apaıynyń úıine baryp, osy jerden polısııaǵa qońyraý soǵady.
Oqıǵa ornyna kelgen polısııa qyzmetkerlerine jazǵy úıde bekinip alǵan qylmysker esik ashpaı, kepilge alynǵandardyń ómirine qaýip tóndiretinin aıtyp qorqytqan. Osy jerde kepilge alǵan kelinshek ózine 5 mıllıon teńge qaryz dep talap qoıady.
Polısııa qylmyskerdi ustap, kepilge alǵan áıeldi bosatyp, aýyr jaralanǵandar aýrýhanaǵa jetkizilgenimen, eki qarttyń ómirin qutqarý múmkin bolmady. Sot barysynda aıyptalýshy kinásin ishinara moıyndasa da, prokýror oǵan ómir boıy bas bostandyǵynan aıyrý jazasyn taǵaıyndaýdy surady.
Aqtóbe oblysy.
