«Egemen» jýrnalısteri – baıqaý jeńimpazdary

«Taza Qazaqstan» jalpyulttyq ekolo­gııa­lyq aksııasy, «Jumysshy mamandyq­ta­ry jyly» aıasynda, «Astana Tazalyq» ­­JShS uıymdastyrýymen ótken «Taza Qazaq­stan – Taza Astana» baıqaýynda «Baspa ­basy­ly­myndaǵy úzdik maqala» atalymy boıynsha áleýmet jáne sport bóliminiń meńgerýshisi Jomart Ospan jeńimpaz bolyp tanyldy. Qalamger bul qurmetke baspa betinde ekologııalyq aksııasy jarııalanǵaly beri ekologııalyq mádenıetti, tabıǵatty qurmetteýdi qalyptastyrý, qorshaǵan ortany qorǵaýdyń mańyzdylyǵyn túsiný, halyq­ty ekologııalyq problemalardy sheshý jó­ninde jazylǵan materıaldar toptamasy úshin ıe boldy.

Sondaı-aq qalalyq kommýnıkasııalar qyzmeti qala ákimdiginiń qoldaýymen uıym­dastyrǵan baıqaý jeńimpazdary marapattaldy. Elordanyń áleýmettik-ekonomıka­lyq damýyn, qoǵamdyq ómirin keńinen nasıhattaıtyn jýrnalıster men medıasala mamandaryn qoldaýǵa baǵyttalǵan baıqaý jyl saıyn ótedi. Baıqaýǵa gazet, teleradıo, ınternet-portal tilshilerimen qatar, áleýmettik jeli belsendileri de qatysty. Baıqaýda 7 atalym boıynsha úzdikter anyqtaldy. Áleýmet jáne sport bóliminiń tilshisi Qýanysh Nurdanbekuly «Úzdik sholýshy» atalymynda 1-oryn ıelendi.

Áriptesterimizdi tolaıym tabystarymen quttyqtaı otyryp, aldaǵy ýaqytta da dástúr men sertten taımaı, bas basylymnyń joraly jolyn jalǵastyryp, jemisti eńbek ete berińizder dep tilek etemiz.