Egiz baýyrlar bir jyl boıy daıyndalyp, Olımpıadanyń úsh kezeńinen sátti ótip, 1000 fınalıst qatarynda Almatydaǵy fınalǵa keldi. Alaıda, Medeýdegi marapattaý rásiminde olardyń bireýi ǵana grant jeńgeni belgili boldy: endi egizderdiń eki bólinýine týra keledi.
«Biraq, kóp adam ishinde olardy eshkim kózge ilip jatqan joq. Tek Tımırlan Gýmbatovtyń jubaıy Irada ǵana janary jasqa tolǵan qyzdardyń biri baýyryna óz sertıfıkatyn usynyp jatqanyn kórip qalady. Ol kúıeýine qarap: «Qarashy, egiz qyzdardyń bireýi ǵana jeńgen sııaqty...» dedi. Tımırlan dereý uıymdastyrýshylardan jaǵdaıdy anyqtap surap, egizderdiń ekige bóliný qaýpi týyp turǵanyna kózi jetken soń, bar bolǵany birneshe mınýt ishinde – dál sol saltanatty rásim barysynda egizdiń ekinshi syńaryna 3 jyldyq derbes grant berý týraly sheshedi. Al bul degenińiz – 21 mln teńge! Derbes grant alý úshin Aıym da sahnaǵa shyqty – qyzdardyń qýanyshynda jek shoq, qatysýshylardyń báriniń janary jasqa toldy! 1000 bala jáne 100 kásipker! Naǵyz heppı end!» – dep jazdy bul oqıǵa jaıynda IQanat jobasynyń bastamashysy ári qamqorshysy Aıdyn Rahımbaev.
Qamqorshylardyń biriniń jubaıy Irada Gýmbatova jeńimpaz qyzdyń óz sertıfıkatyn baýyryna bergisi kelip jylap turǵan sátin baıqap qalady da, bul týraly kúıeýi – kásipker Tımırlan Gýmbatovqa aıtady. Ol oılanbastan sheshim qabyldady. «Eger qyzdar únemi birge bolsa – onda armanyna da birge qadam bassyn» degen kásipker Aıymǵa IQanat mektebinde úsh jyl oqýǵa arnalǵan quny 20 mln teńgeden asatyn derbes grant syılady.
Qyzdardyń otbasy shalǵaıda, О́zbekstanmen shekarada ornalasqan Qazyǵurt aýylynda turady. Anasy tárbıeshi bolsa, ákesi jyl maýsymyna qaraı kókónis pen un satady. Otbasynda 6 bala bar. Sondyqtan, egizder úshin bul grant óz bolashaǵyn ózgerýdiń múmkindigine aınaldy.
Aıym men Gúlimniń oqıǵasy – IQanat-2025 Olımpıadasynyń fınalynda bolǵan kóp oqıǵanyń biri ǵana. Josparly 250 granttan bólek, taǵy 20 bala saltanatty rásim kezinde kásipkerlerden derbes granttar ıelendi.
IQanat jobasy myńdaǵan aýyl balasyna kómektesti. Túlekterdiń 94%-y grant negizinde álemniń 17 elinde bilim alyp jatyr. Árbir balanyń jetistiginiń artynda qamqorshy mesenattar tur. Búginde jobaǵa qazaqstandyq 230 kásipker qatysyp, búkil el boıynsha aýyl balalarynyń damýyna jáne sapaly bilim alýyna óz úlesin qosyp jatyr.
