Aýqymdy is-sharany oblys ákiminiń orynbasary Daryn Shamuratov ashyp, bul bastamanyń tabıǵatty qorǵaýdaǵy, qorshaǵan ortany taza ustaýdaǵy jáne urpaqqa jasyl mura qaldyrýdaǵy mańyzdylyǵyn atap ótti, dep habarlaıdy О́ńirlik kommýnıkasııa qyzmeti.
Senbilik aıasynda Jaıyq ózeniniń oń jáne sol jaǵalaýyndaǵy 14 ýchaske, sondaı-aq qalanyń túrli aýmaqtary qoqystan tazartyldy. Is-sharaǵa memlekettik mekemelerdiń qyzmetkerleri, eriktiler, jastar uıymdary, úkimettik emes uıymdar men kásiporyn ókilderi jumyldyryldy.
Jalpy tazalyq jumystaryna 85 arnaıy tehnıka – onyń ishinde 10 júk tıegish, 45 KamAZ jáne 30 avtobýs tartyldy. Qatysýshylar tańǵy 8:00-de Sultan Beıbarys alańynda jınalyp, arnaıy avtobýstarmen tazalaý ýchaskelerine jetkizildi. Nátıjesinde 50 tonnadan astam turmystyq qaldyqtar men 3000 tekshe metrden astam qurylys qaldyqtary qala syrtyndaǵy polıgondarǵa shyǵaryldy.
Sonymen qatar, qala kelbetine saı kelmeıtin eski ǵımarattar men bos turǵan úıler súrilip, mańaıy retke keltirildi.
Aıta keteıik, jyl basynan beri oblys kóleminde 95 senbilik uıymdastyrylyp, oǵan 57 myńnan astam adam qatysqan. Nátıjesinde 2274 tonnaǵa jýyq qoqys shyǵarylyp, 37 877 túp aǵash kóshetteri otyrǵyzylǵan. Al ekologııalyq baqylaýǵa arnalǵan @TazaQazBot telegram chat-botyna 184 ótinish túsip, olardyń basym bóligi oryndalǵan.
