Foto: Jambyl oblysy ákimdigi
Aıjan Serikbaıqyzy 1972 jyly dúnıege kelgen. 1997 jyly Qazaq memlekettik medısına ýnıversıtetin «Sanıtarııa, gıgıena jáne epıdemıologııa», 2005 jyly «QDSJM» Qazaqstandyq medısına ýnıversıtetin «Qoǵamdyq densaýlyq saqtaý» jáne 2008 jyly Almaty Management University-in «Densaýlyq saqtaý menedjmenti» mamandyǵy mamandyqtary boıynsha támamdaǵan. Eńbek jolyn 1990 jyly Almaty qalasynda №7 emhanasynda feldsher-zerthanashysy bolyp bastaǵan.
Ár jyldary Respýblıkalyq sanıtarlyq epıdemıologııalyq stansııasynyń epıdemıolog-dárigeri, Densaýlyq saqtaý mınıstrligi qarasty Sanıtarlyq-epıdemıologııalyq qadaǵalaý komıtetinde jetekshi maman, bas maman, sarapshy, basqarma basshy qyzmetterin atqarǵan.
Atalǵan oblys ákimdiginiń málimetinshe A.Esmaǵambetova sonymen birge Memlekettik sanıtarııalyq-epıdemıologııalyq qadaǵalaý komıtetiniń tóraǵasy – QR Bas memlekettik sanıtarııalyq dárigeriniń orynbasary, dárigeri, QR Tutynýshylardyń quqyqtaryn qorǵaý agenttiginiń bas memlekettik sanıtarııalyq dárigeriniń orynbasary – epıdemıologııalyq qadaǵalaý departamentiniń dırektory, Ulttyq ekonomıka mınıstrligine qarasty Tutynýshylardyń quqyqtaryn qorǵaý komıtetiniń bólim basshysy bolyp eńbek etti.
Densaýlyq saqtaý mınıstrliginiń Strategııalyq damý jáne qoǵamdyq densaýlyq saqtaý, Qoǵamdyq densaýlyq saqtaý saıasaty departamentteriniń dırektory, sondaı-aq Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary, Sanıtarııalyq-epıdemıologııalyq baqylaý komıtetiniń tóraǵasy, Densaýlyq saqtaý vıse-mınıstri, QR Bas memlekettik sanıtarııalyq dárigeri boldy.
2024 jylǵy shilde aıynan bastap sala mınıstrliginiń «Qoǵamdyq densaýlyq saqtaý ulttyq ortalyǵy» ShJQ RMK Basqarma tóraǵasy laýazymynda qyzmet atqaryp keldi.
