Álemniń bedeldi basylymdarynyń biri — Ulybrıtanııanyń «The Guardian» gazeti Aqtaýda ótken «Dalamen úndes baba óner» qolóner sheberleri festıvaliniń fotosýretin «Kúnniń úzdik fotosy» aıdarymen jarııalady, dep habarlaıdy Qoǵamdyq kommýnıkasııa ortalyǵy.
Atalǵan fotosýret «The Guardian» basylymynyń arnaıy redaksııalyq tobynyń irikteýinen ótip, álemniń túkpir-túkpirinen tańdalǵan eń úzdik fotosýretter qataryna endi. Bul – otandyq qolóner men mádenıetimizdi álemdik deńgeıde áıgileýdiń bir dáleli. Fotosýret avtory – túrkııalyq fotosýretshi Elkın Eskıpehlıvan.
Eske sala keteıik, «Dalamen úndes baba óner» halyqaralyq festıvali Aqtaý qalasynda ótti. Is-sharaǵa Qazaqstannyń jáne sheteldiń túrli óńirlerinen kelgen qolóner sheberleri qatysyp, óz týyndylaryn usyndy. Festıval aıasynda jármeńkeler, kórmeler, sheberlik sabaqtary uıymdastyrylyp, qonaqtar ulttyq dástúrlermen tanysty.
Festıvaldiń basty maqsaty – dástúrli ónerdi dáripteý, urpaq sanasyna ulttyq qundylyqtardy sińirý jáne álemdik deńgeıde qazaq qolóneriniń mártebesin arttyrý.
