О́tken jylǵy kórsetkishpen salystyrǵanda respýblıkamyz óz pozısııasyn jaqsartyp, Ortalyq Azııa óńirindegi eń yntymaqshyl el retinde tanyldy. Kórshiler arasynda elimiz 67-shi oryn alǵan О́zbekstannan, 78-shi oryndaǵy Qyrǵyzstannan, 79-shy oryndaǵy Tájikstannan jáne 87-shi oryndy ıelengen Túrikmenstannan ozyp, alǵa shyqty.
Jalpy, álemdik reıtıngte Islandııa, Irlandııa jáne Jańa Zelandııa kósh bastap tur. Bul elder dástúrli túrde qaýipsizdiktiń joǵary deńgeıimen, qylmystyń tómendigimen jáne halyqaralyq qaqtyǵystarǵa qatyspaýymen erekshelenedi. Al Reseı reıtıngte sońǵy, 163-shi orynǵa, Ýkraına – 162-shi orynǵa toqtaǵan. Amerıka Qurama Shtattary – 128-shi, Izraıl – 155-shi orynda.
Jahandyq beıbitshilik ındeksi eldegi qylmys deńgeıi, qaqtyǵystarǵa qatysý, saıası turaqtylyq, áskerı áleýetti arttyrý sııaqty ártúrli aspektilerdi qarastyrady. Mamandardyń pikirinshe, Qazaqstan pozısııasynyń jaqsarýy ishki turaqtylyqtyń ósýimen, memlekettegi qaqtyǵystar men tártipsizdikter yqtımaldyǵynyń azaıýymen baılanysty. Degenmen, olar qoǵamdaǵy senimdilik deńgeıin arttyrý boıynsha jumysty jalǵastyrý jáne halyqaralyq arenada janjaldardyń aldyn alýda kúsh-jigerdi arttyrý qajettigin atap kórsetedi.
