Senat depýtaty Janbolat Jórgenbaev Almaty oblysyndaǵy Kegen aýdanynda boldy. Sonymen qatar ol Qarqara aýylyndaǵy Qyrǵyzstanmen memlekettik shekara aımaǵynda bolyp, ótkizý beketin tekserdi.
«Shekaralas aýdandarda júıeli damý qadamdaryn jasaý kerek. Sapaly jol, sýmen jabdyqtaý jáne zamanaýı ótkizý beketteri – jaıly ómirdiń kórinisi emes, qaýipsizdik pen bolashaq damýdyń máselesi. Mundaı mindetterdi memlekettik deńgeıde sheshý qajet», dep atap ótti J.Jórgenbaev.
Depýtat sondaı-aq «Kókpek–Kegen–Túp» jáne «Jalaǵash–Kólsaı–Saty» joldarynyń jaı-kúıimen tanysty. Bul baǵyttar taýly aýyldarǵa barǵanda jáne týrızmdi damytýda asa mańyzdy. Senator sý resýrstaryn tıimdi paıdalaný jáne aýyl sharýashylyǵyn qoldaýǵa kómektesetin sýarý jáne drenajdyq nysandarǵa da bardy.
Al senator Talǵat Júnisov Aqmola oblysyndaǵy Shortandy jáne Zerendi aýdandarynyń turǵyndarymen kezdesti. Ol aldymen Shortandy aýdanyndaǵy Bozaıǵyr aýylynda 300 oryndyq dene shynyqtyrý-saýyqtyrý kesheniniń qurylysymen tanysty. Budan soń depýtat jergilikti jalpy bilim beretin mektepte bolyp, pedagogıkalyq ujymmen kezdesti. Senator aýyldy damytýda sport pen bilim berýden bastap ınjenerlik ınfraqurylymǵa deıin keshendi kózqaras qajet ekenin atap ótti.
Zerendi aýylynda bolǵan kezde depýtat aýdany 1 379 sharshy metr, quny 1 mlrd teńgeden asatyn jańa tarıhı-ólketaný murajaıynyń qurylysymen tanysty. Kókterek aýylynda uzyndyǵy 13,5 km sý qubyry men sý jınaý jelisin salý boıynsha jumysty kórip shyqty.
Senat depýtattary Nurlan Beknazarov pen Aıgúl Qapbarova Shymkent qalasynyń turǵyndarymen, qoǵamdyq keńes múshelerimen jáne qalalyq máslıhat depýtattarymen birqatar kezdesý ótkizdi.
«Senat pen máslıhattardyń birlesken jumysy óńirlerdiń aldynda turǵan eń ózekti máselelerdi ýaqtyly anyqtaýǵa jáne sheshýge múmkindik beredi. Memleket basshysy Qasym-Jomart Toqaev alǵa qoıǵan mindetterdi bıliktiń barlyq deńgeıiniń ózara tyǵyz is-qımyly arqasynda ǵana tıimdi iske asyrýǵa bolady», dedi N.Beknazarov.
Sondaı-aq senatorlar Shymkentte azamattardy jeke qabyldady. Onda turǵyndar azamattardyń quqyqtaryn qorǵaý, sot oryndaýshylarynyń qyzmeti, qaryzdardy qaıtarý jáne is júrgizý erejesin saqtaý máselelerdi kóterdi. Senatorlar ótinishterdi tyńdap, jedel áreket etý úshin salalyq memlekettik organdardyń ókilderin shaqyrdy. Árbir jaǵdaı boıynsha tapsyrmalar berilip, baqylaýǵa alyndy. Qalalyq qoǵamdyq keńestiń múshelerimen kezdesýde memlekettik baǵdarlamalardy iske asyrýǵa monıtorıng jasaý jáne zań shyǵarý úderisine qatysýdaǵy azamattyq qoǵam ınstıtýttarynyń róli talqylan-dy. Senatorlar qoǵamdyq keńesterdiń ókilettikterin keńeıtý jáne qoǵamdyq baqylaý tetikterine qatysty zańnamadaǵy sońǵy ózgerister týraly aıtty.
Depýtat Serik О́teshov Qaraǵandy oblysynda óńirlik damýdyń negizgi máselelerine arnalǵan birqatar kezdesý ótkizdi. Abaı aýdanynda agrarlyq sektordy qoldaý, Qaraǵandyda óńirdi sıfrlandyrý jáne ınnovasııalyq transformasııalaý máseleleri talqylandy. Senator agrarshylarmen jáne aýdan depýtattarymen kezdesýde aýyl sharýashylyǵy maqsatyndaǵy jerlerdi neǵurlym tıimdi paıdalaný qajettigin aıtty. Al turǵyndar otandyq agroónerkásip óndirisiniń básekege qabilettiligin arttyrýǵa memlekettik sýbsıdııany kóbeıtý qajettigin jetkizdi.
Sondaı-aq S.О́teshov Qaraǵandyda «Qoljetimdi ınternet» ulttyq jobasyn iske asyrý barysymen jáne elimizdiń jetekshi sıfrlyq ortalyqtarynyń biri Terricon Valley IT-habynyń qyzmetimen tanysty. О́ńirde 342 aýyldyq eldi meken bar, onyń 94-i áli de ınternetke qosylmaǵan.
Sonymen qatar Senat depýtattary Olga Perepechına men Ásem Rahmetovanyń Soltústik Qazaqstan oblysyndaǵy, Súıindik Aldashevtyń Mańǵystaý oblysyndaǵy saparlary jalǵasyp jatyr.
