Atalǵan forýmǵa «Elektrondyq qarjy ortalyǵy» AQ ókilderi de qatysyp, memlekettik satyp alý salasyndaǵy sıfrlandyrýdyń otandyq tájirıbesin ortaǵa saldy.
«EAEO-daǵy memlekettik satyp alýlar: shynaıylyq, múmkindikter jáne perspektıvalar» sessııasynda «Elektrondyq qarjy ortalyǵy» AQ basqarma tóraǵasynyń orynbasary Denıs Svırskıı arnaıy baıandama jasady.
«Elimizdegi elektrondy dúkender arqyly satyp alý – qoljetimdilikti, ashyqtyq pen shaǵyn jáne orta bıznesti qosa alǵanda, qyzmet usynýshylardyń keń aýqymyn tartýdy ańǵartady», dedi D.Svırskıı.
Forým kezinde kompanııa ókilderi adal óndirýshilerdi qorǵaý men bıýdjet shyǵystaryn ońtaılandyrýǵa baǵyttalǵan memlekettik satypalymdy sıfrlandyrýdyń otandyq tásilin kósertti.
Budan bólek D.Svırskıı taýarlardyń katalogy boıynsha júrgizilip jatqan jumystar týraly ádil baǵa saıasatyn qalyptastyrý men memlekettik satyp alý kezinde baǵanyń kóterilýine jol bermeýge múmkindik beretin «Baǵa derekqory» taldamaly modýlin engizý týraly aıtty.
