foto: vıdeodan skrınshot
Oqıǵa ornyna ýchaskelik polısııa ınspektorlary Ámirbek Bóbekbaı, Maqsat Ábdiraıymov jáne Ahan Ahmetov jedel jetken.
Áıeldiń sý jaǵasyndaǵy butaqqa bar kúshimen jabysyp turǵanyn baıqaǵan tártip saqshylary dereý qutqarý operasııasyn bastap ketken. Aǵa leıtenant Bóbekbaı arqanmen túsip, jábirlenýshini baılap, keıin áriptesteri ekeýin de qaýipsiz bıiktikke kótergen.
Polısııa qyzmetkerleriniń sátti áreketiniń arqasynda áıel zardap shekken joq. Ol ınspektorlarǵa kásibıligi men qamqorlyǵy úshin alǵys aıtyp, qyzmetterine sáttilik tiledi.
Almaty oblysynyń polıseıleri sý aıdyndaryna jaqyn jerde, ásirese tegis emes, jaǵalary tik, aǵystary qatty jerlerde asa saq bolý kerektigin eske salady. Tótenshe jaǵdaıda dereý kómek surap, der kezinde qońyraý shalý – adam ómirine tóngen qaýipti seıiltýi múmkin.
Eske salar bolsaq, budan az ýaqyt buryn aǵysy qatty Talǵar ózeni ana men balanyń ómirin qıǵan bolatyn.
Almaty oblysy
