Foto: Ashyq derekkóz
Bilim granty kelesideı baǵdarlamalardy qamtıdy:
- Bakalavrıat – 70 oryn;
- Magıstratýra – 20 oryn;
- Úzdiksiz ıntegrasııalanǵan medısınalyq bilim berý – 10 oryn.
Oqý tájik nemese orys tilinde júrgiziledi. Grant aıasynda talapkerlerge tegin oqý, aı saıynǵy stıpendııa, sondaı-aq medısınalyq qyzmet kórsetý qarastyrylǵan. Alaıda, jol júrý jáne turý shyǵyndary stýdenttiń jeke esebinen tólenedi.
Aıta keteıik, 2025 jylǵy 10 shilde men 5 tamyz aralyǵy qujattar qabyldanady. Irikteý derbes áńgimelesý arqyly júrgiziledi.
Bilim alý múmkindigine ıe bolýda myna sanattaǵy úmitkerlerge basymdyq beriledi:
- Jetim balalar men ata-anasynyń qamqorlyǵynsyz qalǵandar;
- Bala kezinen múgedekter men múgedek balalar;
- Kóp balaly otbasynan shyqqan balalar;
- Sońǵy eki jyl aýyldyq eldi mekende turaqty turǵan úmitkerler;
- Sheteldik JOO-nan resmı shaqyrýy bar talapkerler.
Qorytyndy irikteýdi Tájikstan tarapy ótkizedi. Joǵary oqý oryndary men mamandyqtardyń tolyq tizimi arnaıy resýrsta qoljetimdi.
