Qaryzdaryn ótemegeni týraly birneshe ret eskertý alǵanyna qaramastan, tutynýshylardyń bir bóligi kommýnaldyq qyzmetti jetkizýshiniń zańdy talaptaryn elemeıtin jaǵdaılar oryn alǵan.
Bıyl jyl basynan beri Almatyda jylý energııasy úshin tólem jasamaǵan 600-den astam abonentke ystyq sý berý shektelgen. Sonymen qatar zańdy tulǵalarǵa sotqa deıingi 3345 talap jiberildi.
Jylý jáne ystyq sýmen jabdyqtaý úshin qaryzy bar 5184 turǵynnan qaryzdy óndirip alý boıynsha jumys júrgizildi. Ol úshin sotqa talap-aryz berildi, sondaı-aq notarıýstarǵa atqarýshylyq jazbalar jasaý úshin aryzdar jiberildi.
Búginde sot oryndaýshylary qaryzdy óndirip alý is-sharalaryn jalǵastyryp jatyr. Kommýnaldyq qyzmetke tólem jasamaǵan 1 754 boryshkerge qatysty shekteý sharalary qabyldandy.
Mysaly,926 boryshkerdiń jyljıtyn jáne jyljymaıtyn múlkine tyıym salyndy.
822 banktik shot buǵattaldy.
254 boryshkerge qatysty Qazaqstan Respýblıkasynan tys jerlerge shyǵýǵa tyıym salyndy
144 azamattyń jalaqysy men ózge de tabysynan bereshek ustaldy.
Qazirgi tańda Almaty jylý tutynýshylarynyń paıdalanǵan ystyq sý men jylý úshin jıyntyq qaryzy shamamen 2 mlrd teńgege jetti.
