Foto: eskeldi-eli.kz
Birinshi vıse-mınıstrdiń málimetinshe, elimizde búgingi tańda 11 854 mektepke deıingi uıym jumys isteıdi. Olarda 1 mıllıonnan astam bala tárbıelenip jatyr. Onyń ishinde:
- 5 456 memlekettik balabaqshada — 467 myń bala;
- 6 398 jekemenshik balabaqshada — 541 myń bala qamtylǵan.
Sonymen qatar, 2-6 jas aralyǵyndaǵy 98 myń bala mektepke deıingi uıymǵa kezekte tur. Bul kórsetkish mektepke deıingi bilim berý qyzmetine ata-analardyń suranysyn eskere otyryp esepteledi.
Alaıda keıbir óńirlerde qamtý deńgeıi tómen:
- Qyzylorda oblysynda — 84,3%;
- Shyǵys Qazaqstan oblysynda — 88,0%;
- Qaraǵandy oblysynda — 88,7%;
- Almaty qalasynda — 87,0%;
- Astana qalasynda — 88,4%;
- Shymkent qalasynda — 84,2%.
Ulttyq statıstıka bıýrosynyń málimetinshe, 2024 jyly balalardyń mektepke deıingi bilimmen jalpy qamtylý koeffısıenti 40,9%-dy quraǵan. Bul kórsetkish 2023 jylmen salystyrǵanda qalalyq jerde 0,1%-ǵa, aýyldyq jerde 0,5%-ǵa artqan.
Maıra Meldebekovanyń aıtýynsha, 2028 jylǵa deıin 2-6 jas aralyǵyndaǵy barlyq balany mektepke deıingi bilimmen tolyq qamtý josparlanyp otyr. Bul rette ata-analardyń balabaqshaǵa degen naqty suranysy basty nazarǵa alynady.
