foto: alfa.kz
О́z kezeginde She’s Next hakatony bızneste batyl bolý, praktıkalyq sheshimder men ınklıýzıvti ınnovasııalardy qoldaý maqsatynda uıymdastyrylady. Onyń dástúrli hakatondardan aıyrmashylyǵy – bul jerde baǵdarlamalaý talap etilmeıdi, óıtkeni basty nazar bıznesti damytý strategııasy men tıimdi sheshimderdi tabýǵa aýdarylady. Qatysýshy áıelder qarjylyq turaqtylyq, bıznesti transformasııalaý, jańa naryqtarǵa shyǵý, trendterdi boljaý syndy kásipkerliktegi ózekti basqa da baǵyttardaǵy tapsyrmalardy oryndaıdy.
Baǵdarlamaǵa qatysqysy keletinder 30 maýsym men 29 tamyz aralyǵynda tirkelip, 3-12 qyrkúıekte oqýdan ótip, 18 qyrkúıek pen 1 qazan aralyǵynda hakatondy bastaıdy.
Hakaton 3 qazanda ótetin aýqymdy vırtýaldy is-shara arqyly márege jetpek. Ashyq formatta, onlaın jáne aǵylshyn tilinde uıymdastyrylatyn sharada tabysty kásipker áıelder, bıznes-kóshbasshylar men Visa ókilderi bas qosyp, tájirıbe almasyp, ınnovasııalardy damytýǵa áıelderdiń qosqan úlesin atap ótedi.
Baǵdarlama aıasynda qatysýshylarǵa tájirıbeli bıznes mamandary ótkizetin tórt vebınar qoljetimdi. Bul vebınarlarda olar praktıkalyq bilimderimen bólisedi. Hakaton aıasynda qurylǵan komandalar keminde úsh mentorlyq sessııa barysynda bıznes negizin qalaǵan áıelderden, keńesshilerden , ınnovasııa salasyndaǵy sarapshylardan jeke baǵyt-baǵdar ala alady.
Sonymen qatar, barlyq qatysýshylar halyqaralyq iskerlik baılanystaryn keńeıtip, aımaqtyń túkpir-túkpirinen jınalǵan pikirles áıelderden quralǵan She’s Next qaýymdastyǵynyń sıfrlyq platformasyna qosyla alady.
Jeńimpazdar úsh nomınasııa da baq synasa, Bas júlde – $10 000, ınnovasııalyq kózqarasy úshin – $5 00, eń úzdik áleýmettik áser úshin – $5 000.
Qarjylaı qoldaýdan bólek, jeńimpazdarǵa sala kóshbasshylarynan úsh aılyq tálimgerlik, Visa men Reinvantage platformalarynda keńinen tanystyrylý, bolashaq is-sharalarǵa qatysý múmkindigi, She’s Next qaýymdastyǵynda úzdiksiz nasıhat jáne búkil óńir boıynsha BAQ-ta taratylatyn resmı baspasóz habarlamasynda atalyp ótý múmkindigi usynylady.
«Visa» kompanııasy áıelderdiń kóshbasshylyǵy men kásipkerligin uzaq jyldan beri qoldap keledi jáne áıelderdiń ınklıýzıvti ekonomıkalyq ósimniń qozǵaýshy kúshine aınala alatynyna nyq senedi», dedi Visa kompanııasynyń Shyǵys jáne Ońtústik-Shyǵys Eýropa, Ortalyq Azııa jáne Kavkaz óńirlerindegi aǵa vıse-prezıdenti jáne óńirlik menedjeri Krıstına Dorosh.
She’s Next hakatonyna qatysýǵa quramynda er azamattar ókilderi bar komandalarǵa da ruqsat etiledi, biraq komandanyń jetekshisi mindetti túrde áıel bolýy tıis.
