«Halqyma qyzmet etýge degen jigerim elimizdegi jaǵdaıdyń ózektiligine saı keledi», dep jazdy ol.«Halqyma qyzmet etýge degen jigerim elimizdegi jaǵdaıdyń ózektiligine saı keledi», dep jazdy ol.
Pol Bıııa Kamerýndy 1982 jyldan beri basqaryp keledi. Ol kezde 49 jastaǵy premer-mınıstr bolatyn. Sodan beri el tizginin eshkimge bergen emes. Aldaǵy saılaý onyń segizinshi ret qatysýy bolmaq.
Osy ýaqyt ishinde halyqaralyq uıymdar men oppozısııa ókilderi saılaýdyń ádil ótpeýi, saıası qarsylastardyń qysymǵa ushyraýy jáne jemqorlyq deńgeıiniń joǵary bolýy jóninde birneshe ret syn aıtqan. Transparency International uıymynyń 2024 jylǵy esebinde Kamerýn jemqorlyqty qabyldaý ındeksinde 180 eldiń ishinde 140-orynda tur.
Prezıdenttiń saılaýǵa qaıta túsýi qoǵamda túrli pikir týdyrdy. Keıbir turǵyndar bul sheshimdi túsinbeıtinin aıtsa, endi bireýler bılikke jańa býyn kelýi qajet ekenin jetkizdi.
Bıııanyń negizgi qarsylastary qatarynda:
• 2018 jylǵy saılaýda oppozısııa atynan qatysqan Morıs Kamto;
• jýyrda bılik koalısııasynan shyqqan mınıstr Issa Chıroma Bakarı;
• burynǵy premer-mınıstr Bello Býba Maıgarı jáne basqa da úmitkerler bar.
Aıta keteıik, Kamerýndaǵy prezıdent saılaýy 2025 jylǵy qazan aıyna josparlanǵan.
