Fılıal ókilderiniń aıtýynsha, balanyń tólqujatyn týǵan sátinen bastap rásimdeýge bolady. Qazaqstan Respýblıkasynyń zańnamasyna sáıkes, shetelge shyǵatyn árbir azamattyń jasyna qaramastan jeke tólqujatynyń bolýy shart.
Tólqujat alý úshin ata-ana birinshi kezekte Shymkent qalasyndaǵy kez kelgen Halyqqa qyzmet kórsetý ortalyǵyna baryp júginedi. Osy tusta, ózimen birge balanyń týý týraly kýáligi, ata-ananyń bireýiniń jeke kýáligi, 4 AEK (15 728 teńge) kólemindegi memlekettik baj salyǵynyń tólengeni týraly túbirtek bolýy kerek. Sondaı-aq, qujatty rásimdeý barysynda ata-ananyń bireýiniń bolýy mindetti. Al qyzmet kórsetý merzimi - 15 jumys kúnin quraıdy.
«Balalar tez ósip, syrt kelbetteri jyldam ózgeretindikten, shekara qyzmetkerleri keıde olardy fotosýretten tanı almaı jatady. Mundaı jaǵdaıda, tólqujattyń jaramdylyq merzimi áli aıaqtalmasa da, ony aýystyrý qajet bolady. 12 jasqa deıingi balalarǵa tólqujat 5 jyl merzimge, al 12-den 16 jasqa deıin – 10 jyl merzimge beriledi. 12 -16 jas aralyǵyndaǵy balalarǵa beriletin tólqujat merzimi 10 jylǵa jaraıdy. Sonymen qatar, «Altyn alqa», «Kúmis alqa» ıegerleri, múgedektigi bar azamattar, jetim jáne ata-anasynyń qamqorlyǵynsyz qalǵan balalar tólqujatty tegin ala alady» deıdi «Azamattarǵa arnalǵan úkimet» memlekettik korporasııasy Shymkent qalalyq fılıalynyń dırektory Aınur Tobaeva.
Onyń aıtýynsha, megapolıs turǵyndaryna sheteldik tólqujatty jedel túrde rásimdeý qyzmeti qarastyrylǵan. Qosymsha aqysy tólense ótinish berýshiniń qalaýyna qaraı qujat 1 nemese 3 jumys kúni ishinde daıyn bolady.
Shymkent
