Bul medıany tutyný qurylymynyń ózgerýinen týyndap otyr. Máselen, 2023 jyly Qazaqstannyń medıa naryǵy rekord ornatyp, 132 mlrd teńgege jetti. Onyń ishinde digital-jarnamanyń úlesi 66,8 mlrd teńgeni qurap, bir jyl ishinde 24%-ǵa ósken.
Agenttik dereginshe, sıfrlyq jarnama naryǵy 2014 jyldan beri úzdiksiz ósip keledi. Sol jyly onyń kólemi 9,7 mlrd teńge bolsa, 2019 jyly 19 mlrd teńgege jetip, naryqta ekinshi orynǵa shyqqan. Al 2023 jyly digital-jarnama alǵash ret televızııany basyp ozyp, 53,8 mlrd teńgege deıin ulǵaıdy.
Qazaqstanda ınternetti kún saıyn qoldanatyn azamattardyń úlesi 90%-ǵa jýyq. Eldegi ınternet qoljetimdiligi óńirler arasynda da joǵary: Almaty men Astanada – 91%, ózge oblystarda – 80–93% shamasynda. Tipti ýrbanızasııa deńgeıi tómen Aqtóbe men Qyzylordada bul kórsetkish 60%-ǵa jetip otyr.
Internet qoldanýshylardyń ortasha jasy 40-tar shamasynda, bul olardyń tólem qabiletin kórsetedi. Trafıktiń basym bóligi mobıldi qurylǵylarǵa tıesili (Android – 62%, iOS – 38%).
Jarnama úshin eń tıimdi platformalar – YouTube pen Kaspi. Internet qoldanýshylarynyń 59%-y Kaspi arqyly saýda jasasa, 45%-y YouTube-ty belsendi paıdalanady. Bul platformalar brend qaýipsizdigi men qamtý jaǵynan joǵary nátıje beredi.
Agenttik sarapshylarynyń aıtýynsha, keıingi bes jylda onlaın saýda kólemi jeti ese artyp, 3,2 trln teńgege jetken. Aldaǵy bes jylda Qazaqstanda satylatyn árbir besinshi taýar onlaın formatta ótkiziledi dep boljanyp otyr.
