Negizinde mundaı aýqymdy sharýa jolaýshylarǵa qyzmet kórsetý sapasyn arttyrýdy kózdep qana qoımaı, otandyq taýar óndirýshilerdiń qatysýyna da aıtarlyqtaı múmkindikter týǵyzýy kerek. Alaıda shyn máninde, qazaqstandyq óndirýshiler úshin bul jobalar boıynsha aqparat shekteýli. Májilis depýtaty, QHP fraksııasynyń jetekshisi Magerram Magerramovtyń qatysýymen ótken «Atameken» UKP tóralqasynyń óńdeý ónerkásibi komıtetiniń otyrysynda bıznes ókilderi osylaı dedi. Palata tóraǵasynyń orynbasary Murat Amrınniń aıtýynsha, úkimet otandyq taýar óndirýshilerdi barlyq iri jobalarǵa tartý boıynsha belsendi jumys júrgizip jatyr jáne olardyń turaqty júktemesin qamtamasyz etý mańyzdy.
«Qazaq Stone» tas óńdeý ónerkásibi odaǵynyń tóraǵasy Dáýren Aǵzymov: «Bizdiń salanyń problemasy – iri bıýdjettik jobalardaǵy jergilikti qamtý deńgeıiniń tómendigi. Bul tek tas óńdeýge ǵana emes, jıhaz óndirýshilerge, jeńil ónerkásipke jáne basqa óńdeý salalaryna da qatysty. Sheteldik jetkizýshilerdiń kóptegen ulttyq jobalarǵa enip jatqanyn kórip otyrmyz, al otandyq kompanııalar 20-30 paıyz ǵana júktelgen», dep atap kórsetti.
Ol respýblıkamyzda zamanaýı tolyq sıkldi tas óńdeý kásiporyndary jumys isteıtinin, olar qaptaý men granıtten bastap erneý men kespekshege deıin ishki naryqtyń qajettilikterin 100 paıyz óteýge qabiletti ekenin eske saldy. Bul kásiporyndardyń óndiristik qýaty onyń markasyna baılanysty jylyna 713,8 myń tonnany quraıdy. «Biz memlekettik organdardan tas óńdeý ónerkásibine qoldaý kórsetýdi jáne iri ınfraqurylymdyq jobalardy júzege asyrýǵa qazaqstandyq tabıǵı tastan jasalǵan buıymdar óndirýshilerdi mindetti túrde tartý mehanızmin bastaýdy suraımyz», dedi bıznes ókili.
О́ńdeý ónerkásibi departamentiniń dırektory Almat Asqar otandyq taýar óndirýshilerdi tartý úshin ýaqtyly josparlaý men boljaý, sondaı-aq ınfraqurylymdyq jobalardy ashyq júzege asyrý qajettigin málimdedi.
«Shyndyǵynda jaǵdaı ýákiletti organdardyń parlament minberinen málimdegenindeı máz emes. Búkil parlamenttik fraksııa otandyq bıznesti qoldaý máseleleri boıynsha Ulttyq kásipkerler palatasymen tyǵyz yntymaqtasýǵa jáne osy máselelerdi baqylaýda ustaýǵa daıyn ekenine sendirgim keledi», dedi depýtat Magerram Magerramov.
Taraptar kabeldik ónimderdi, jeldetý jabdyqtaryn, qasbet boıynsha sheshimder men basqa da komponentterdi jetkizýdi qosa alǵanda, otandyq óndirýshiniń temirjol vokzaldaryn jańǵyrtýǵa qatysýy jóninde jıyntyq usynys berýge kelisti.
