Foto: egemen.kz/Erlan Omar
«Adal azamat» birtutas baǵdarlamasy «Birtutas tárbıe» tujyrymdamasynyń jalǵasy. Tek mazmuny jańartylyp, Memleket basshysynyń «Adal azamat – adal eńbek – adal tabys» ıdeologııalyq qaǵıdasymen úndestirilgen.
Baǵdarlama adal, eńbekqor, eljandy azamattar tárbıeleýdi kózdeıdi. Tárbıe júıesi jalpyulttyq qundylyqtarǵa negizdelip, mektep, ata-ana jáne qoǵam arasyndaǵy baılanysty nyǵaıtýǵa baǵyttalady.
«Adal azamat» aıasynda barlyq mektep úshin biryńǵaı vızýaldy standart – brendbýk ázirlenedi. Mekteptiń ishki jáne syrtqy kelbeti ulttyq tárbıelik qundylyqtar men mádenıetti beıneleıtin ortaǵa aınalady.
Mektepterdegi tárbıe isi memlekettik organdarmen, quqyq qorǵaý, densaýlyq saqtaý, ishki saıasat salasyndaǵy qurylymdarmen tyǵyz júrgiziledi.
Y. Altynsarın atyndaǵy UBA málimetinshe, aı saıyn belgilengen taqyryptar sabaq pen synyptan tys is-sharalardy bir-birimen sabaqtastyrady. Mysaly: ádildik, eńbekqorlyq, patrıotızm syndy qundylyqtardy oqý prosesiniń ózegine aınaldyrý josparlanǵan. Osy baǵytta mektep ómirine «О́negeli 15 mınýt», kúı áýenimen qońyraý soǵý, ulttyq oıyndar sekildi jańa formattar engiziledi. Sonymen qatar, oqýshynyń mektep qabyrǵasynan tys ómirlik tájirıbesin baıytýǵa da erekshe kóńil bólinedi.
Sonymen qatar, býllıngtiń, quqyqbuzýshylyq pen balalar arasyndaǵy qaýiptiń aldyn alýǵa baǵyttalǵan «Sıfrlyq álemde qaýipsiz qadam», «Býllıngten qorǵan!», «Qaýipsiz qoǵam» jobalary jalǵasyn tabady.
