Foto: pixabay.com
Qujatqa sáıkes, kompanııa 1,973 mlrd teńge kólemindegi qarajattyń qaıtarylýynan kúder úzgen. Osy sebepti bul soma debıtorlyq bereshek rezervinen esepten shyǵarylǵan. Mundaı rezerv tólenbeı qalýy yqtımal shyǵyndardy jabý úshin qalyptastyrylady.
Kompanııa bul fakt boıynsha qylmystyq is qozǵalǵanyn jáne sot-ekonomıkalyq saraptama naqty urlanǵan somany anyqtap jatqanyn málimdedi.
«Evro-Azııa Eır» tikushaq jáne bıznes avıasııa qyzmetimen aınalysady. Kompanııa «Sky Logistics Services» JShS-ne tıesili. Onyń benefısıarlary – Nurlan Qanybekov (65%) jáne Talǵat Ásembek (35%), ekeýi bir otbasynyń músheleri bolýy múmkin.
Nurlan Qanybekov 2019 jyly Forbes Kazakhstan-nyń yqpaldy kásipkerler tizimine engen. Qanybekovter otbasynyń dáýleti 2025 jyly 95 mln dollarǵa baǵalandy. Olar munaı jáne avıasııa salalarynda bıznes júrgizedi. «Evro-Azııa Eır» kompanııasyn 2017 jyly «QazMunaıGaz» ulttyq kompanııasynan 11,85 mlrd teńgege satyp alǵan.
