Foto: Densaýlyq saqtaý mınıstrligi
Densaýlyq saqtaý mınıstrliginiń málimetinshe, testileý qorytyndysy boıynsha eń joǵary ortasha baldy Batys Qazaqstan joǵary medısınalyq kolledji (85,9 ball), J.Tileýlın atyndaǵy Soltústik Qazaqstan joǵary medısınalyq kolledji (85,5 ball), Respýblıkalyq joǵary medısınalyq kolledj (84,6 ball), «Meır-Beıs» joǵary kolledji (84,2 ball), Balqash qalasynyń medısınalyq kolledji (83,8 ball) kórsetti.
Atalǵan nátıjeler densaýlyq saqtaý salasyndaǵy tehnıkalyq jáne kásiptik bilim berý júıesinde mamandar daıarlaýdyń turaqty sapasyn rastaıdy.
«Qazaqstanda memlekettik emtıhan 16 maýsym men 2 shilde aralyǵynda ótkizildi. Qorytyndy attestattaýdan medısınalyq kolledjderdiń 28 918 túlegi ótti, onyń ishinde 25 (26,6 %) memlekettik jáne 69 (73,4 %) jekemenshik. Qazaq tilinde 20 856 túlek, orys tilinde – 8062 túlek synaldy», dep málimdedi atalǵan mınıstrlik.
TjKB túlekterin qorytyndy attestattaý eki kezeńde ótti: 100 test suraqtarynan turatyn tapsyrma arqyly bilimdi avtomattandyrylǵan túrde baǵalaý jáne 5 klınıkalyq nemese praktıkalyq stansııada daǵdylardy baǵalaý.
