Kúdiktiler azamattardyń senimine kirip, olardyń qarajattaryn óz maqsattaryna paıdalaný úshin arnaıy alaıaqtyq shema ázirlegen. Qarjy pıramıdasyn uıymdastyrýshylar «QazMunaıGaz» ulttyq kompanııasynyń aksııalaryn satyp alý arqyly mol jáne jyldam tabys tabýǵa bolatynyn aıtyp, salymshylarǵa ýádeni úıip-tókken. Iаǵnı kúdiktiler salymshylarǵa ár 15 kún saıyn 50% kiris túsetinin aıtyp, olardy ábden aldaǵan.
Alaıda is júzinde eshqandaı baǵaly qaǵazdar satyp alynbaǵan. Tólemder tek jańadan tartylǵan qatysýshylardyń qarajaty esebinen júzege asyrylǵan. Bastapqy salym somasy 500 myń teńgeden bastalǵan. Nátıjesinde shamamen 200 azamat qarjy pıramıdasynyń qurbanyna aınalyp, jalpy somasy 1 mlrd teńgeden astam qarjysynan aıyrylǵan.
Zańsyz jolmen alynǵan kiristerge kúdiktiler Túrkistan oblysynda jalpy quny 438 mln teńgeden asatyn múlik — eki qymbat kólik («Tank 500», «BMW X5»), turǵyn úı men kommersııalyq nysan (meıramhana) satyp alǵan. Sonymen birge alaıaqtar bul múlikterdi tárkileýden jasyrý úshin týystarynyń atyna rásimdep úlgergen.
Búgingi tańda sot sanksııasymen atalǵan múlikterge tyıym salyndy. Al kúdiktiler qamaýǵa alynyp, qazirgi ýaqytta tıisti tergeý amaldary júrgizilip jatyr.
Shymkent
