Foto: Vıdeoskrın
«Jańa salyq kodeksi Memleket basshysynyń birqatar tapsyrmalaryn oryndaý sheńberinde ázirlendi. Salyq kodeksi salyqtyq ákimshilendirýdi jappaı jeńildetýdi kózdeıdi. Atap aıtqanda, salyq eseptiliginiń kólemi 30 paıyzǵa qysqardy, salyqtardyń sany 20 paıyzǵa azaıdy. Sonymen qatar, ınvestısııany arttyrý boıynsha kóptegen belsendi júıelerdi kóbeıtý, sán-saltanat zattaryna salyq júktemesin arttyrý – mańyzdy ózgerister», deıdi Jazıra Myńbaeva.
Sondaı-aq, J.Myńbaeva qosylǵan qun salyǵynyń (QQS) jańa bazalyq mólsherlemesi 16 paıyz bolyp bekitilgenin jáne qor naryǵyn yntalandyrý úshin bırjalyq qundy qaǵazdarǵa tólenetin dıvıdentterge salyq jeńildikteri sol qalpynda saqtalatynyn, «Báıterek» ulttyq qorynan shyǵarylǵan baǵaly qaǵazdar korporatıvtik tabys salyǵynan bosatylatynyn atap ótti.
Sonymen qatar sarapshy kitap ónimderin shyǵarý, arheologııa salalary – qosymsha qun salyǵynan bosatý kózdelgenin tilge tıek etti.
«Dári-dármek pen medısınalyq qyzmetterge tómendetilgen QQS mólsherlemesi belgilendi: 2026 jyldan – 5 paıyz, 2027 jyldan – 10 paıyz, bul – beıimdelý úshin. Sonymen qatar, Aýyl sharýashylyǵy ónimderin óndirýshilerge QQS esepke jatqyzý boıynsha 70 paıyzdyq úles 80 paıyzǵa arttyrylyp otyr, bul – aýyl sharýashylyǵy ónimderine degen salyq júktemesin azaıtýǵa baǵyttalǵan», deıdi atalǵan departamenttiń bas sarapshysy.
Jazıra Myńbaeva óz sóziniń sońynda qosylǵan qun salyǵy boıynsha tirkeý shegi 20 aılyq eseptik kórsetkishten 10 aılyqqa deıin azaıtylǵanyn atap ótti.
