Foto: Oqu-agartu ministrligi
Mektepke deıingi bilimmen qamtýdy arttyrý qurylys júrgizý, qoldanystaǵy balabaqshalardy keńeıtý, turǵyn úılerdiń birinshi qabattarynda shaǵyn ortalyqtar ashý, memlekettik bilim berý tapsyrysyn ornalastyrý, onyń ishinde «aqsha balaǵa beriledi» qaǵıdaty boıynsha vaýcherlik qarjylandyrý esebinen júzege asyrylyp jatyr. Jańa vaýcherlik qarjylandyrý tetigi elimizdiń 19 qalasynda jáne 7 aýdanynda iske asyrylǵan. Ol arqyly 300 myńǵa jýyq bala mektepke deıingi bilimge qol jetkizdi, al kezek 44 paıyzǵa qysqarǵan.
Oqý-aǵartý mınıstrliginiń baspasóz qyzmetiniń málimdeýinshe alǵashqy jartyjyldyqtyń qorytyndysy boıynsha bıyl elimizde 13,2 myń oryndy qamtıtyn 172 mektepke deıingi uıym ashyldy. Bul 2 jastan 6 jasqa deıingi balalardyń 93,1 paıyzyn mektepke deıingi bilimmen qamtýǵa múmkindik berdi.
Sonymen qatar mektepke deıingi uıymdarǵa barmaıtyn balalardyń ata-analaryna arnalǵan konsýltasııalyq pýnktter jelisi keńeıdi. Jyl basynan beri olardyń sany 4,2 myńnan 5,5 myńǵa deıin artty.
Budan bólek, 260 memlekettik balabaqshada jóndeý jumystary júrgizilip jáne olardyń materıaldyq-tehnıkalyq bazasy nyǵaıtylyp jatyr.
